Fier- Një ditë pas aksidentit të rëndë të Fierit, ku humbën jetën dy kushërinjtë Amarildo Dogani dhe Festim Dogani 21 dhe 29 vjeç, flet kushëriri i tyre, i vetmi i mbijetuar nga përplasja e frikshme një natë më parë.
Martin Dogani tregon se makina ka qënë me shpejtësi deri në 120 km në orë dhe ka frenuar para se ti përplasë. Ai thotë se kishin pirë kafe pak para aksidentit, e të gjithë si kushërinj kishin dalë në trotuar për të biseduar. “Përplasja na i ndali të qeshurat”, -tregon ai.
Martin si ndodhi ngjarja?
Ishim 4 çuna xhaxhallarësh dhe po rrinim në trotuar, jo në asfalt. Kishim pirë kafe tek lokali i xhaxhait dhe dolëm jashtë po rrinim aty. Në atë moment dëgjojmë një zhurmë frenimi të madhe. Pas pak çohet njëri nga çunat ikën i pari, ikën dhe i dytë mua më kap cepi i makinës më përplas në mur. Ngela pa ndjenja, pashë vetëm makinën
Ju e njihni Amarildon, autorin e aksidentit?
E njoh është banor i zonës, e kam pasur shok shkolle.
Sipas banorëve ai bënte veprime jo normale, ecte me frena dore?
Nuk e di ai nuk ka dashur ta bënte atë. Ai ishte shumë çun i mirë, ai mund ta ketë bërë atë për shaka.
Ishte me shpejtësi?
Po besoj me 120 km në orë..
Si doli nga rruga?
Ai ka bërë një frenim
Ju ku po qëndronit?
Po diskutonim si të shkonim në Greqi, po qeshnim pastaj na ndodhi ajo që ndodhi
Ngjarja ka ndodhur dje rreth orës 21:00 në fshatin Arapaj të Roskovecit, kur makina e Amarildo Çalamanit që po lëvizte me shpejtësi ka dalë nga rruga duke përfunduar mbi trotuar ku kishin ndalur katër kushërinjtë. Ai i ka marrë përpara dhe kanë përfunduar në kanal
Pas aksidentit të mbrëmshëm në Fier ku dy të rinj humbën jetën pasi u përplasën për vdekje nga Amarildo Çalamani, vijnë dëshmi nga fshati Arapaj i Fierit.
Banorët thonë se segmenti rrugor ku dy kushërinjtë u përplasën për vdekje nga miku i tyre është problematik dhe shqetësues edhe për fëmijët e tyre, pasi në krah të rrugës së drejtë ndodhet shkolla. Ata thonë se në këtë rrugë nuk ka monitorim e sinjalizime, dhe kjo gjë iu jep shoferëve mundësinë të ecin me shpejtësi. Banorët apelojnë për ndihmë nga shteti.
“Është 2 km rrugë që është e gjatë dhe njerëzit bëjnë gara, nuk ka sinjalistike. Policia e Shtetit të vijë të bëjë kontroll. Këtu ka shumë trafik mjetesh, kemi probleme edhe me shkollën. Fëmijët s’kanë garanci të shkojnë në shkolla”,- shprehet njëri prej banorëve.
“Kemi një shkollë fillore në buzë të rrugës, rrezikohen fëmijët. Luajnë me njëri-tjetrin dalin në rrugë ata. Të bëhet muri rrethues i shkollës, të ketë një roje”,- shton një tjetër.
Komente
Lajme të tjera
-
Ylli Pata: Radiografia e linçimit publik, si një diagnozë politike
27 Dhjetor, 21:26
-
'Luftë civile' në kampin e Trump, të gjithë kundër Musk pasi i doli në krah emigrantëve të kualifikuar
27 Dhjetor, 21:22 -
Spanjë/ Futën në Evropë 2 mijë tonë veshje sportive të falsifikuara, EUROPOL çmonton organizatën kineze, 73 të arrestuar! Sekuestrohet 12,5 mln euro mall
27 Dhjetor, 21:16 -
Ju flet BBC në shqip: Qeveria na kishte frikë, ja arsyet! Esencë-Report Tv
27 Dhjetor, 21:11
-
Nju Jork, i vuri flakën një gruaje në metro, 33 vjeçari nën akuzë për vrasje e zjarrvënie
27 Dhjetor, 21:08 -
Kina, sanksione ndaj 7 kompanive si kundërpërgjigje ndaj ndihmës ushtarake amerikane për Tajvanin
27 Dhjetor, 20:56 -
Planet e administratës së re amerikane për reformimin e FBI-së
27 Dhjetor, 20:45 -
Festat/ Policia e Shtetit dhurata për fëmijët e Dëshmorëve të Atdheut
27 Dhjetor, 20:39 -
‘Kumti letrar i Ismail Kadare’, sonte në 22:00 ‘Elektroshok’ nga profesor Ardian Ndreca në Report Tv
27 Dhjetor, 20:30 -
Aksident në aksin Elbasan-Peqin, përplasen dy makina! Ngjarja në të njëjtin segment ku humbi jetën 10-vjeçari
27 Dhjetor, 20:26 -
SHBA-të vendosin sanksione ndaj ish-kryeministrit gjeorgjian, miliarderit Bidzina Ivanishvili! Akuzohet si pro-rus
27 Dhjetor, 20:13 -
Arjan Hoxha nga selia blu: Rakip Suli ka dhënë leje ndërtimi në një zonë të shpallur të rrezikshme nga institucionet e shtetit, SPAK ta hetojë!
27 Dhjetor, 20:03
