POP 5

Lajmet më të lexuara të 5 minutave të fundit

Kronikë

Aksident në Fier, makina me shpejtësi mbi trotuar, përplas për vdekje dy kushërinjtë (EMRAT+VIDEO)

Dy të rinj kanë humbur jetën nga një aksident mbrëmjen e sotme. Ngjarja ka ndodhur rreth orës 21:00 në fshatin Arapaj të Roskovecit.

FIER-Dy të rinj kanë humbur jetën nga një aksident mbrëmjen e sotme. Ngjarja ka ndodhur rreth orës 21:00 në fshatin Arapaj të Roskovecit.

Sipas të dhënave nga gazetari i Report Tv në Fier, Kristaq Thano një makinë që po lëvizte me shpejtësi ka dalë nga rruga duke përfunduar mbi trotuar ku kishin ndalur dy të rinjtë duke i marrë përpara dhe përfundoi në kanalin anësor të rrugës.

Përplasja ka qenë fatale dhe dy kushërinjtë e parë, Amarildo Dogani dhe Festim Dogani 21 dhe 29 vjeç, humbën jetën në vend. Report Tv siguroi pamjet nga vendi i ngjarjes ku duket makina që përplasi të rinjtë dhe njollat e gjakut.

Policia ka nisur hetimet, ndërsa nga të dhënat e para nga grupi hetimor mësohet se shkak ka qenë shpejtësia me të cilën po lëvizte makina dhe mungesa e ndriçimit në rrugë.

Në Shqipëri në javët e fundit janë shënuar shumë aksidente me vdekje. Sipas një raporti të INSTAT në 7 muajt e fundit në vendin tonë kanë humbur jetën mbi 120 persona dhe shumë të tjerë janë plagosur nga aksidentet që janë regjistruar.

Rendit zhvillimet sipas orarit:
Ora 23:12
Gjoba për parakalime e shpejtësi, ja kush është shoferi problematik që u mori jetën dy të rinjve

Burime për Report Tv pohojnë se drejtuesi i mjetit që shkaktoi aksidentin Amarildo Çalamani është problematik  në drejtim të zbatimit të rregullave te qarkullimit rrugor.

Nga verifikimi ne sistemin e-gjoba rezulton se ai është drejtues mjeti problematik, pasi është ndëshkuar me disa masa administrative;  

3 masa për parakalime të gabuara brenda vitit 2018

2 masa për përdorim celulari

1 masë administrative për tejkalim shpejtësie me pezullim të lejedrejtimit në 2017

1 një masë për mungesë kontrolli teknik

Ora 22:23
Dëshmitari për REPORT TV: Dy djemtë ishin duke biseduar në trotuar kur i shtypi makina

Një banor i fshatit Arapaj në një lidhje telefonike për Report Tv nga vendi i ngjarjes pas aksidentit u shpreh se kjo është ngjarja e tretë që ndodh brenda dy muajve, ndërsa shkak është mungesa e ndriçimit. Ai tha se dy kushërinjtë ishin duke biseduar në trotuar kur janë përplasur nga makina.

Ishin në trotuar duke biseduar, erdhi makina dhe i përplasi. Viktimat i njoh, janë kushërinj të parë. Ky është i treti aksident brenda dy muajve. Rruga nuk ka as ndriçim, as viza, as bordura dhe asgjë.

Banori i fshatit Arapaj

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • sapa: 27/08/2018 04:46

    Si mund te prisni denime ne nje vend te korruptuar?

    Përgjigju
  • Ilo: 26/08/2018 22:33

    Jo vetem shoferi por duhet marre nen pergjegjesi penale edhe administratori i bashkise per mos ndricimin e rruges.

    Përgjigju
  • Tani: 26/08/2018 22:22

    Ky duhet te denohet njesoj sikur ti ket vrar me arme. Me shpejtesi mbi trotuar merr dy jet njerzish? Po kush je ti more ? Burg perjet duhet per keto palaco qe bejn si te fort e marrin jet te pafajshme

    Përgjigju
  • Faik: 26/08/2018 21:29

    VDEKJE Shoferëve KRRIMINELË ! Këta SHOFERË BANDITË dhe Karagjozë duhen VARUR në LITAR , sepse gjithçka e bëjnë me dashje dhe vetdije të plotë ! Duan të Fryhen dhe të Hiqen si "PILOTA" , por që janë FUNDËRRINA të paaftë .

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58