Flet kryetari i bashkisë së Malësisë së Madhe: Banorët donin t'i vinin në ndihmë, s’i kanë lejuar, u kanë thënë nuk kemi problem

Tonin Marinaj kryetar i bashkisë së Malësisë së Madhe në një prononcim për Report Tv tha se banorët e zonës aty pranë kanë dashur që t’u vijnë në ndihmë, por ato si kanë lejuar duke u thënë se nuk kanë asnjë problem. Marinaj tha se policia po zbardh ngjarjen dhe se paraprakisht nuk mund të konfirmojë nëse bëhet fjalë për trafik kanabisi.

‘Është ulur një mjet i llojit helikopter dhe sipas banorëve ka tentuar që të çohet, janë afruar disa banorë aty dhe ju kanë ofruar ndihmë nëse kanë diçka problematikë për shëndetin dhe nuk i kanë lejuar. U kanë thënë ‘Jo nuk kemi problem, mos u afroni’, dhe banorët nuk janë afruar. Njerëz të dëmtuar nuk ka. Unë nuk jam në gjendje që t’ju them nëse bëhet fjalë për trafik kanabis, nuk dimë se mjeti i kujt ka qenë dhe se çfarë ka brenda këtë do ta zbardhe policia.’- tha Marinaj.

Lajmi kryesor:

Përdorej për trafik kanabisi? Avioni pa asnjë shenjë identifikimi rrëzohet në Vermosh, zero kontakt me shërbimet e aviacionit civil! Arratiset piloti, e morën me një fuoristradë të bardhë

M.Q./r.k./Shqiptarja.com

TAG:
• trafik droge
• avione
• aviacioni civil
• vermosh
• avioni ne vermosh