TIRANE- Flota Luftarake Detare futet në remont të plotë. Një urdhër i Ministres së Mbrojtjes Mimi Kodheli i ka hapur rrugën riparimit të anijeve të flotës detare, të cilat gjatë kohës së shërbimit kanë pësuar difekte në pjesë të ndryshme.

Për të zgjidhur çdo problem të këtyre anijeve, ku përfshihet dhe patrulluesja, anija “Iliria” dhe për t’i dhënë një fytyrë tjetër Flotës Detare Shqiptare që është pjesë e aleancës së NATO-s, ministria ka menduar të blejë 318 artikuj, duke filluar nga bateritë për anijet, Faro-Fenerët, bojë për anijet, graso, veshjet e polumbarëve dhe flamurë që vendosen në kiçin e anijes e sqeparë.