POP 5

Lajmet më të lexuara të 5 minutave të fundit

Fluks fëmijësh me virozë në Pediatrinë e spitalit të Fierit! Mjekja: Deri 100 fëmijë në ditë vijnë marrin ndihmën e parë! Fëmijët vijnë me temperaturë, të vjella e diarre

Çdo ditë pranë urgjencës së Fierit paraqiten rreth 100 fëmijë për të marrë ndihmën e parë. Ata kanë shqetësime kryesisht me temperaturë, të vjella dhe diarre. Mjekja pediatre Albana Haxhiu u bën apel prindërve të tregojnë kujdes me temperaturat dhe ushqimin

Temperaturat e larta kanë shtuar fluksin e fëmijëve, që paraqiten me viroza për të marrë ndihmën e parë mjekësore në pediatrinë e spitalit Rajonal të Fierit.

“Në urgjencën pediatrike të spitalit Rajonal Fier, paraqiten çdo ditë 70 deri në 100 fëmijë për të marrë ndihmën e parë, nga këta deri në 30 fëmijë çdo ditë kanë nevojë për të marrë hidrime ditore pranë repartit ditor pranë urgjencës. Në pavijone janë të shtruar 30 deri në 40 pacientë”, thotë mjekja. 

Mjekja pediatre Albana Haxhiu tregon për Report TV, simptomat kryesore me të cilat paraqiten fëmijët në urgjencë.

“Shenjat më të shpeshta me të cilat ata paraqiten janë diarre, temperaturë, të vjella, dobësi trupore, mungesë oreksi. Ende vijojnë virozat e traktit respiratore”, shprehet mjekja pediatre.

COVID-19 nuk është zhdukur prandaj duhet treguar kujdes thotë mjekja Haxhiu, teksa jep disa këshilla për prindërit, për ushqimet e temperaturat.

“Ende ka fëmijë që paraqiten dhe rezultojnë pozitive në rapid teste për COVID 19. Këshilla ime për prindërit është të shmangin oraret e pikut të temperaturave të larta, të mos i ekspozojnë fëmijët në temperatura të larta, tu japin sa më shumë lëngje dhe të kenë kujdes me ushqimet që ju japin fëmijëve të tyre”, thotë Albana Haxhiu.

Sipas informacioni numri më i lartë i fëmijëve që vijnë në pediatri për të marrë shërbim mjekësor janë nga zonat rurale të Fierit për shkak se ka fshatra që nuk kanë mjek pediatër në qendër shëndetësore.

 

M.Q./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29