Fluks në Morinë, radhë të gjata automjetesh në pritje për të hyrë në Kosovë

 

Ditët e ngrohta me diell nuk kanë ndaluar pushuesit nga Kosova t'i drejtohen Shqipërisë, por fundi i verës ka sjellë edhe fundin e pushimeve për disa të tjerë, duke krijuar radhë kilometrike në pikën kufitare të Morinës. Paraditen e sotme u shënuan radhë të gjata automjetesh në hyrje të Shqipërisë, ndërsa pasditen e sotme ka patur fluks për të hyrë në Kosovë.

Shkak për krijimin e radhëve janë bërë edhe masat shtrënguese anti-COVID që kanë hyrë sot në fuqi në Kosovë në pikat kufitare.

Dhjetëra qytetarë të Shqipërisë këtë të hënë janë kthyer nga pala kosovare të cilët nuk janë lejuar të futen në Kosovë pa test PCR dhe dëshmi vaksinimi. Sakaq, nga 6 shtatori, të gjithë shqiptarëve të Kosovës do të ju kërkohet pasaporta e vaksinimit për të hyrë në Shqipëri.

 

Lajmi kryesor:

Hyjnë në fuqi masat kufizuese, në Kosovë vetëm me vaksinë dhe test COVID! Policia i kthen mbrapsht, qytetarët bllokojnë Morinën

/KT/Shqiptarja.com

TAG:
• shqiperia
• kosove
• morine
• Koronavirus
• koronavirusi ne shqiperi
• masat anticovid