Janari i ka gjetur spitalet e Korçës dhe Pogradecit me pacientë që kërkojnë të marrin një mjekim më të specializuar në urgjencë apo pediatri. Shkak për këtë fluks te lartë të pacientëve janë bërë virozat e stinës.
Mesatarisht në pediatrinë e Korçës paraqiten nga 60 deri në 80 fëmijë në ditë njëjtë me shifrën edhe të Pogradecit. Shefi i pediatrisë Pogradec, Behxhet Lickollari tha për gazetarin Armand Braho se prindërit duhet që të trajtojnë temperaturën te fëmijët me paracetamol apo ibuprofen në 2 ditët e para dhe nëse vijon të kërkon ndihmë nga mjeku.
“Në pavijonin e pediatrisë së Pogradecit kemi situatë të ngarkuar epidemike. Paraqiten rreth 80 fëmijë në 24 orë me viroza, me virusin e gripit, me bark e të vjella, me temperatura, ethe. Nëse temperatura fillon, prindërit duhet t’i mbajnë në shtëpi me lëngje dhe duhet të paraqiten në spital nëse zgjat më shumë se 2 ditë dhe shoqërohet me ethe. Në kushte shtëpie do përdorin paracetamol dhe ibuprofen. Të ruhen nga ekspozimi në kolektiv. Të mos përdorin antibiotik pa u vizituar, të vishen mirë”, tha shefi i pediatrisë Pogradec, Behxhet Lickollari.
E njëjta situatë paraqitet edhe tek urgjencat me një mesatare prej 100 deri në 150 vizita në ditë por jo të gjitha këto raste kanë të bëjnë me virozat e stinës. Aktualisht sipas mjekëve vizitat apo shtrimet në pëegjithësi kanë të bëjnë me virozat.
“Aktualisht kemi situatë me rritje të rasteve. Kjo ka nisur 2 javë para vitit të ri dhe vijon. Nuk është fluks jashtë pritshmërisë. Zakonisht rastet janë të lehta dhe forma të mesme, pa prekje të mushkërive. Rekomandohen paracetamol e ibuprofen, shumicë lëngjesh dhe ushqime me vitamina, fruta, perime e produkte mishi. Format e mesme dhe më të rënda kanë prekje të mushkërive dhe këshillohet trajtim në spital. Faza më delikate është rreth një javë”, tha shefi i urgjencës Pogradec, Genci Zyferi.
Mjekët këshillojnë se pas konstatimit të parë me këto viroza si fëmijët ashtu edhe të rriturit duhet të trajtohen në shtëpi me antipiritik kundër temperaturës dhe lëngje dhe pas 4-5 ditësh nëse nuk ka përmirësim duhet të paraqiten te mjeku i familjes ose në urgjencat e spitaleve.
Lajme të tjera
-
Korçë, 55 të burgosur lënë sot burgun e Drenovës, 73 të tjerë përfitojnë ulje dënimi
24 Prill, 10:12 -
Pogradec, aksident automobilistik në afërsi të Gurit të Kuq, policia në vendngjarje
23 Prill, 15:31
-
Pritet rritja e çmimeve të frutave dhe perimeve! Fermerët e Devollit: Shkak pesticidet, po i blejmë më shtrenjtë dhe s'japin efekt
22 Prill, 14:58
-
Goditi me grushte e sende të forta 3 të rinj, arrestohet 26-vjeçari
22 Prill, 13:21 -
Bora në Korçë, e hapur rruga që të çon në fshatin Panarit
22 Prill, 11:20 -
Njëri rreh kunatën, tjetri vëllanë, e pësojnë dy 52 vjeçarët në Korçë
21 Prill, 15:38 -
I dënuar për trafik emigrantësh të paligjshëm, arrestohet 20 vjeçari në Korçë
21 Prill, 15:32 -
Korça përfshihet nja reshje të shumta shiu! Prezencë mjegulle në Qafë-Thanë
21 Prill, 11:54 -
10-vjetori i vdekjes, Korça përkujton poetin Koçi Petriti me vargjet e tij
20 Prill, 17:25
-
Pogradec/ Peshkatari kap koranin mbi 13 kg në Ohër e shet për 20 mijë lekë: S’kisha kapur kurrë kaq të madh
20 Prill, 14:20
-
Korçë, bora zbardh Dardhën në prill, fshati turistik mirëpret pushuesit
20 Prill, 10:44
-
Me 50 lek për litër, qumështi në Maliq shitet më lirë se uji, blegtorët: Çmimin e caktojnë baxhot, s’ka tregje! Ta derdhim, është gjynah?!
19 Prill, 16:11
