Fluks pushuesish nga Kosova, Rruga e Kombit e mbushur me mbeturina

Në kumin e sezonit turistik, kur mijëra pushues nga Kosova, por edhe më gjerë dynden drejt plazheve të vendit tonë, imazhi i parë me të cilin ata përballen sapo kalojnë kufirin Kosovë-Shqipëri, janë mbeturinat.

Prej ditësh, segmenti Kukës-Morinë i Rrugës së Kombit është kthyer në një vend grumbullimi mbeturinash urbane, të cilat i konstaton në të gjithë gjatësinë e tij, ku pirgje të mëdha mbetjesh janë grumbulluar, duke treguar, se aksioni i ndërmarë nga Ministria e Mjedisit e Turizmit, “Të pastrojmë Shqipërinë që Duam” nuk ka mbërritur deri në Kukës. 


Mbeturinat anës Rrugës së Kombit

Kjo situatë e krijuar, ka shkaktuar një ndotje të ambientit, pasi sapo afrohesh në zonën në fjalë, era e rëndë e mbetjeve është e padurueshme. Një tjetër shqetësim i udhëtarëve që përshkojnë këtë segment rrugor është edhe derdhja e ujërave të zeza në autostradë, pasi banesat që janë ndërtuar aty, nuk janë të përfshira në rrjetin e kanalizimeve të ujërave të zeza. Qeveria ka parashikuar që duke nisur nga muaji shtator në rrugën e Kombit të rinisë aplikimi i tarifës së kalimit për automjetet.


Mbeturinat anës Rrugës së Kombit

LEXO EDHE:
Vijon montimi i Urës së Madhe në Kukës, nis vendosja e shtresave të stabilizantit dhe asfaltimi i tyre

TAG:
• rruga e kombit
• turiste
• mbeturina

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.8%

• Jo

  73.8%

• Nuk e di

  7.4%

Vota total: 1121

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di