Fluks turistësh në plazhin e Shëngjinit, mungojnë rojet bregdetare! Qytetarët: E rrezikshme

Sezoni turistik është hapur prej një muaji por problem mbetet siguria në plazhe. Në pjesën më të madhe të vijës bregdetare mungojnë vrojtuesit.  Me mijëra pushues kanë zgjedhur të kalojnë fundjavën në Shëngjin këtë mesqershori. Ata ankohen për mungesën e rojeve bregdetare, pasi të rrezikuar janë kryesisht fëmijët e të moshuarit.

"Duhet të ketë grupe shpëtimi se ka njerëz që nuk dinë notin. Jam këtu me pushime prej disa ditësh por nuk kam parë vrojtues, duhet të ketë patjetër", tha një prej pushuesve.

Siguria në plazhe vijon të mbetet problem thotë zv/presidenti i Federatës Shqiptare "Vrojtuesit e Plazhit dhe Shpëtimit në Ujë", Robert NEÇAJ.

"Sipas VKM përcaktohet se një hapësirë plazhi është 80 metra dhe duhet të ketë një vrojtues. Plazhet publike dhe private janë në numër të madh dhe shumë prej tyre nuk kanë fare vrojtues", tha ai.

Numri i personave që kanë humbur jetën në plazhet e vendit gjatë viteve të fundit ka ardhur gjithnjë në rritje, ndërsa është detyrë e Bashkisë dhe Agjencisë së Bregdetit për të kontrolluar bizneset që nuk zbatojnë kriteret për vrojtuesit në plazhet private.  

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet