Duke qenë një lëvizje e mbrujtur nga interesi për t’u bërë mburojë e Sali Berishës nga sulmet anglo-amerikane dhe nga urrejtja ndaj Lulzim Bashës, “Foltorja” është grupim që nuk e bashkon parimi, por pazari për ndarjen e gjësë.
Kandidati i saj në Kukës, pas skandalit Gjici dhe pas lënies së fushës së lirë nga PD zyrtare, në një situatë tjetër, do t’i kishte të gjithë kushtet për të fituar lehtësisht, mirëpo përdorimi që po i bën ‘Grupi i Ndarjes së Gjësë’ këtyre zgjedhjeve, duke dhënë shfaqje bajate si kjo e takimit të deputetëve, jo vetëm që nuk i lë asnjë mundësi për ta fituar, por thjesht do të shërbejë si ‘mushkë beteje’ e ‘halleve’ të Tiranës, që nuk kanë asnjë lidhje me hallet dhe problemet e kuksianëve.
Përveç demokratëve në Kukës, askujt tjetër nuk i intereson fitorja e bashkisë. Sali Berishës nuk i intereson, sepse ‘halli’ i tij nuk zgjidhet nga Kukësi dhe Tropoja, por nga Brukseli dhe Washingtoni. Edhe SPAK padyshim...
Gazmend Bardhit nuk i intereson, sepse llogaritë e tij nuk dalin nga fitoret e Berishës, por nga humbja dhe asgjësimi politikisht i tij.
Deputetët as mish as peshk, që u venë nga pas të dyve, më shumë se sa nga bindja, i ndjekin nga frika e sulmeve të Berishës ose nga ideja se në politikë shkohet pas të fortit dhe, meqenëse Bashën e konsiderojnë të dobët, e vetmja mundësi për të mbijetuar politikisht është të ndjekin berihanë.
Në këtë panoramë, ku politikën nuk e bashkon interesi i përbashkët për të fituar, por interesi vetjak i të gjithë protagonistëve për të humbur, kjo shfaqje e sotme përveç shëmtisë nuk ka asnjë emër tjetër.
“Foltorja” mund të bëjë mbledhje në Kukës, ashtu siç mund të bëjë mbledhje në të gjithë bashkitë e vendit, por një gjë e tillë nuk ofron asnjë zgjidhje për hallet dhe shqetësimet që kanë qytetet tona.
Siç ka rezultuar edhe më parë, shndërrimi i zgjedhjeve vendore në politike, në kontekstin ku gjendet sot Shqipëria, përveçse favorizon mazhorancën dhe kandidatin e saj, nuk sjell asgjë tjetër.
Kështu që me lëvizjen e sotme, përveçse dëmit elektoral, asnjë e mirë nuk do t’i vijë kandidatit të “Foltores”.
Një demokrat i vjetër kuksianë, teksa shihte pak ditë më parë Mul Nokën që zbriste nga “Range Rover-i” i tij i modelit të fundit, i tha autorit të këtyre radhëve: “Nuk ka fyerje më të madhe për ne kuksianët të na vijë Muli me fodullëkun dhe kapardisjen e tij për të na kërkuar vota. Me Bashën mezi e dëbuam nga dera, Saliu na e futi nga dritarja dhe na e bëri shef të madh.”
Komente
Lajme të tjera
-
DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr
27 Nëntor, 22:46 -
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Kukës/ Aksident në 'Rrugën e Kombit', përplasen 2 mjete, plagosen 4 persona
27 Nëntor, 19:08 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
Namir keshtu te ka thene basha ee, po prap me bazhsne shkove more edhe pse te prentoi 2 here se do te fyusre ne listre per deputete dhe byj ta vari= e tiu prap shkove tek kjunbati, i cili te kerkoi lek per me kandidu
Përgjigju