Disa orë pas fillimit të sulmit në kampin Jenin, ushtarët izraelitë vazhdojnë të veprojnë brenda kampit, ku nuk kanë munguar shkëmbimet e zjarrit mes tyre dhe militantëve palestinezë.
Forcat e Mbrojtjes së Izraelit sulmuan kampin Jenin ditën e djeshme, pasi e kanë cilësua si fortesë të terrorizmit dhe qëllimi i ndërhyrjes ushtarake ishte për të goditur grupet terroriste që Izraeli pretendon se ekzistojnë brenda kampit.
Ministri i jashtëm i Izraelit ka deklaruar se objektivi i ushtrisë izraelite nuk është populli palestinez, por grupet militante të sponsorizuara nga Irani që veprojnë në Jenin dhe organizojnë sulme terroriste.
Vetëm ditën e djeshme tetë persona u vranë dhe 50 të tjerë u plagosën, gjatë sulmeve me armë mes militantëve palestinezë dhe ushtarëve izraeloitë.
Ndërsa në njpoftimet më të fundit thuhet zyrtarët palestinezë thonë se 10 palestinezë janë vrarë dhe 100 të tjerë janë plagosur
SHBA ka shprehur mbështetjen e saj për atë që e quan të drejtën e Izraelit për t'u mbrojtur kundër grupeve terroriste. Por presidenti palestinez Mohammed Shtayyeh tha se Izraeli nuk do të gëzonte kurrë sigurinë përmes agresionit të tij.
Ky është operacioni më i rëndësishëm ushtarak në Bregun Perëndimor të pushtuar në vite, dhe ndërsa vazhdon, është e vështirë të dihet saktësisht se sa njerëz mund të jenë vrarë ose plagosur.
Mijëra palestinezë janë larguar nga kampi i refugjatëve Jenin ndërsa Izraeli vazhdon operacionin e tij të madh ushtarak në Bregun Perëndimor të pushtuar.
Fotot tregojnë se çfarë po ndodh në terren në ditën e dytë të operacionit ushtarak të Izraelit në kampin e refugjatëve Jenin, në një kohë kur mijëra palestinezë janë larguar nga kampi.
Tensionet në rrugët e kampit nuk kanë pushuar që nga dita e djeshme, ushtria izraelite dhe militantët palestinezë vazhdojnë përleshjet dhe sulmet me armë kundrejt njëri-tjetrit duke shkaktuar trazira në gjithë territorin e kampit.
Forcat izraelite të mbrojtjes thonë se deri më tani kanë arrestuar 120 të dyshuar dhe kanë 10 objektiva të tjerë në qendër të kampit të refugjatëve Jenin.
Ndërsa zyrtarët palestinezë thonë se 10 palestinezë janë vrarë nga dita e djeshme dhe 100 të tjerë janë plagosur
.jpg)
Agjencia palestineze e OKB-së për refugjatët, thotë se është e shqetësuar për ndikimin e operacionit izraelit në kampin e refugjatëve Jenin.
Në një deklaratë, agjencia palestineze e OKB thotë se shërbimet e ujit dhe energjisë elektrike janë ndërprerë në zona të mëdha të kampit, duke i lënë banorët në pamundësi për të lëvizur nga shtëpitë e tyre.
"Refugjatët kanë nevojë urgjente për ushqim, ujë të pijshëm dhe qumësht pluhur për fëmijët," thotë Agjencia palestineze e OKB-së për refugjatët.
Gjithashtu ata njoftuan se katër shkolla dhe një qendër shëndetësore janë shkatërruar, duke bërë që të mos funksionojnë për shkak të shkëmbimit të rëndë të zjarri, gjatë ditës së djeshme.
"Kërkohen veprime urgjente për të siguruar që të lënduarit të kenë akses në kujdesin mjekësor”, njoftoi agjencia e OKB-së, e cila u bëri thirrje të gjitha palëve të parandalojnë këtë cikël të dhunës në rritje.
Sulmet ajrore në Jenin kanë vazhduar edhe pas ditës së djeshme, ku përplasjet mes militantëve palestinezë dhe ushtrisë izraelite nuk munguan.
Sulmet ajrore dhe betejat me armë duket se po u kujtojnë palestinezëve ditët e këqija që ata jetuan gjatë operacionit ushtarak izraelit 20 vjet më parë, duke iu referuar asaj që quhet Beteja e Jeninit, e cila u zhvillua në vitin 2002, gjatë Intifadës së Dytë.
Më shumë se 50 palestinezë dhe 23 ushtarë izraelitë u vranë në më shumë se një javë luftime në Jenin. Ai pasoi një fushatë të sulmeve palestineze në Izrael dhe Bregun Perëndimor të pushtuar, shumë prej të cilave përfshinin autorë nga qyteti.
Ekipet mjekësore palestineze kanë bërë thirrje për ndalimin e dhunës në mënyrë që ata të mund të evakuojnë të plagosurit nga kampi i refugjatëve në spitale.
Udhëheqja palestineze është planifikuar të takohet më vonë sonte për të vendosur se si t'i përgjigjet operacionit të Izraelit, raporton ajo.
Komente
Lajme të tjera
-
Lufta e Izraelit me Hezbollahun/ Hyn në fuqi armëpushimi, festë në rrugët e Bejrutit
27 Nëntor, 07:26 -
Netanyahu: Po armëpushimit në Liban, nëse Hezbollah shkel marrëveshjen ne do e godasim! Biden: Hyn në fuqi nesër
26 Nëntor, 07:16 -
Cilat janë pengesat për arritjen e armëpushimit mes Izraelit dhe Hezbollahut?
25 Nëntor, 22:54 -
Televizioni publik izraelit: Marrëveshja për armëpushim në Liban është gati! Gjendet i pajetë në Abu Dhabi një rabin! Arrestohen 3 persona si të dyshuar për vrasjen e tij
24 Nëntor, 07:55 -
Arrestohet shqiptarja në Londër! Shkoi në protestat pro-Palestinës, dëmtoi kompaninë izraelite të armëve
23 Nëntor, 17:27 -
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
GJNP urdhër-arrest ndaj Netanjahut dhe ish-ministrit të Mbrojtjes Gallant! Çfarë do të thotë kjo dhe çfarë pasojash mund të ketë ndaj Izraelit?
22 Nëntor, 09:39 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17
Hitleri nuk ju beri asgje ne krahasim me ate qe po i beni popullit Palestinez o njerez te felliqur , por do tju vije dhe ju ora bashke me ata plerat amerikane tju thyen hundet
PërgjigjuTuri pa truri , armiqesoj edhe Shban . Mos u merakos turi , izraelitet ka kush i mbron nga qenje si puna jote . Atje qendrojne si nje deshmi e fjales se Perendise.