POP 5

Lajmet më të lexuara të 5 minutave të fundit

Ekonomi

Forcimi i lekut, Sejko: S’ndërhyjmë, po frenohet inflacioni! Duhet kujdes, zhvlerësimi i monedhave do vazhdojnë

Banka e Shqipërisë ka lënë të pandryshuar normën bazë të interesit,  ndërkohë që pret ulje të inflacionit në 3% në mesin e vitit të ardhshëm. Guvernatori Gent Sejko në konferencë tha se luhatjet në kursin e këmbimit do vazhdojnë po banka nuk do ndërhyjë pasi forcimi i lekut po mban në kontroll inflacionin

Çmimet po ulen thotë Banka e Shqipërisë, pavarësisht se rënia e inflacionit është ngadalësuar në muajit e fundit.

Në konferencë për mediat guvernatori Gent Sejko tha se në mbajtjen në kontroll të inflacionit po ndikon edhe forcimi i lekut. Aktualisht euro po këmbehet në tregun valutor rreth vlerës 106 lekë, ndërkohë që ka luhatje të vazhdueshme.

“Inflacioni vijoi të shënojë rënie në tremujorin e tretë të vitit, duke regjistruar vlerat respektive prej 4.2% dhe 4% në muajt korrik e gusht. Rënia e inflacionit u diktua nga rënia e inflacionit të importuar. Rënia e inflacionit të importuar pasqyroi stabilizimin e çmimeve në tregjet ndërkombëtare dhe forcimin e kursit të këmbimit të lekut gjatë viteve të fundit”, tha Sejko.

Guvernatori tha se luhatjet në kursin e këmbimit do të vazhdojnë, ndaj operatorët e tregut duhet të tregohen të kujdesshëm, por sqaroi se banka qendrore nuk do të ndërhyjë në treg pasi forcimi i lekut po mban në kontroll çmimet.

“Tregu valutor ka qenë dhe do të mbetet subjekt i luhatjeve afatshkurtra. Për këtë arsye, të gjithë operatorët e tregut valutor duhet të jenë të kujdesshëm në aktivitetin e tyre, duke shmangur marrjen e ekspozimeve të panevojshme ndaj rrezikut të kursit të këmbimit”, tha Sejko.

Në mbledhjen e Këshilli i Bankës së Shqipërisë la të pandryshuar normën bazë të interesit në 3%, ndërsa pret që inflacioni të kthehet në objektiv prej 3% në mesin e vitit të ardhshëm.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shqiptaru: 04/10/2023 20:12

    Po nuk je zedhenes i qeverise o palo guvernator por je administrator i bankes te shqiptareve. Cilat cmime jane ulur? Karburantet qe jane ngritur? Mallrat e shportes qe po rriten perdite? Fruta Perimet apo bulmeti? Po si nuk e the qe eshte paraja e piset ajo qe zhvlereson monedhat e huja dhe qe po shkateron konkurencen e ndershme. Turp per ty.

    Përgjigju
  • Toni: 04/10/2023 17:52

    O governator idiot. Federal Reserve, ECB, BOE, BOA,BOC e shume banka te tjera ne bote vazhdojne ta ngrejne normen e interesit per te luftuar inflacionin, e ti rri ne vendnumero. Ku i gjejne keta gomere mor aman.

    Përgjigju
    • Gent Kar Sejko: 04/10/2023 19:37

      Po ku di ky nga kto mo vlla. Ky eshte nje cope injoranti qe ai te gjithe di vetem te vjedh.

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29