VARSHAVË, Poloni - Sot në orën 20:45 në stadiumin 'PGE Arena' të Varshavës luhet ndeshja Poloni - Shqipëri, e vlefshme për gjysmëfinalen play-off të Kupës së Botës 2026. Kjo është një sfidë historike për tanët, pasi për herë të parë kuqezinjtë garojnë në këtë fazë.

Në rast se kombëtarja shqiptare e futbollit kalon sot Poloninë në ndeshjen teke, pas katër ditësh do përballet në transfertë me fituesin e çiftit Ukrainë - Suedi, për të ëndërruar më pas një biletë për në finalet e Kupës së Botës 2026, që këtë vit zhvillohen nga 11 qershori deri më 19 korrik në SHBA, Meksikë dhe Kanada.

Sa i takon atmosferës, prej mëngjesit të sotëm në rrugët e Varshavës ka nisur festa me këngë dhe valle patriotike, teksa shqiptarët e kanë 'ngjyrosur' kuqezi kryeqytetin polak. Diçka më shumë se 3 mijë shqiptarë do mund të jenë në stadium, teksa të shumtë janë ata që kanë udhëtuar edhe pa një biletë. Ndeshja gjykohet nga anglezi Anthony Taylor.

Sylvinho lë jashtë tre futbollistë

Trajneri Sylvinho ka dërguar në UEFA listën zyrtare me 23 futbollistët e gatshëm që do ketë për këtë sfidë, teksa mungojnë Jasir Asani, Nazmi Gripshi dhe Klisman Cake. Asani ka kohë që nuk luan, pas largimit nga Irani për shkak të luftës, ndërsa dy zgjedhjet e tjera duket se janë teknike, për shkak të mbingarkesës në repartin anësor të sulmit dhe mbrojtje.

Formacioni i mundshëm

Pritet që tanët të luajnë me skemën 4-3-3 dhe me një 'sulmues të fshehur', i cili nuk do jetë Muçi. Mungesat e Dakut dhe Manajt, si edhe forma jo e mirë e Brojës, ka bërë që trajneri mos ketë një pikë orientimi në sulm, duke dashur të jetë në fushë me një 'nëntë false', në këtë rast Nedim Bajrami, që edhe më herët ka luajtur në këtë rol. Porta, mbrojtja dhe mesi i fushës nuk pritet të ketë ndryshime nga ndeshjet e fundit, ndërsa dilema e trajnerit është për sulmin.

Formacioni i mundshëm i Kombëtares:

Shqipëria (4-3-3): Strakosha; Hysaj, Ajeti, Gjimshiti, Mitaj; Shehu, Laçi, Asllani; Uzuni, Bajrami (Broja), Hoxha (Muçi) Trajner: Sylvinho

Historia dhe përballjet Shqipëri - Poloni:

Të dyja skuadrat janë përballur 15 herë në histori, me dhjetë fitore të Polonisë, dy fitore të Shqipërisë dhe tre barazime. Nga këto takime, vetëm pesë kanë qenë miqësore. Fitoret e Shqipërisë datojnë më 29 nëntor 1953, 2-0 në 'Qemal Stafa' me golat e Loro Boriçit dhe Refik Resmjas, si dhe në takimin e fundit mes tyre, po 2-0 më 10 shtator 2023 në 'Air Albania', me golat e Jasir Asanit dhe Mirlind Dakut.

Takimi Poloni - Shqipëri do të luhet më 26 mars, në orën 20:45, në stadiumin “PGE Narodowy” të Varshavës. Në rast se kuqezinjtë kalojnë polakët në këtë ndeshje teke, më 31 mars do luajnë sërish në udhëtim për finalen play-off kundër fituesit e çiftit Ukrainë - Suedi, me shpresën për një vend historik në finalet e Botërorit 2026 që këtë vit do zhvillohen nga 11 qershori deri më 19 korrik në SHBA, Meksikë dhe Kanada.

Rendit zhvillimet sipas orarit:
Ora 17:09
Peshorja anon nga ana e Polonisë, Shqipëria fitoi në përballjen e fundit! Statistikat e 15 ndeshjeve

\

Përballjet Shqipëri - Poloni

Sot në orën 20:45 luhet Poloni - Shqipëri në Varshavë, e vlefshme për gjysmëfinalen play-off të Kupës së Botës 2026.

Të dyja skuadrat janë përballur 15 herë në histori, me dhjetë fitore të Polonisë, dy fitore të Shqipërisë dhe tre barazime. Nga këto takime, vetëm pesë kanë qenë miqësore.

Fitoret e Shqipërisë datojnë më 29 nëntor 1953, 2-0 në 'Qemal Stafa' me golat e Loro Boriçit dhe Refik Resmjas, si dhe në takimin e fundit mes tyre, po 2-0 më 10 shtator 2023 në 'Air Albania', me golat e Jasir Asanit dhe Mirlind Dakut.

Jasir Asani sot u la në tribunë nga trajneri Sylvinho, ndërsa Daku mungon për shkak të një dëmtimi.

S.Dh/Shqiptarja.com

Ora 17:00
Shqipëria 'macja e zezë' e Lewandowskit, mediat polake ngrenë alarmin për kapitenin e tyre para duelit me kuqezinjtë

1774540881_robertlewandowski.JPG

Mbrëmja e sotme pritet të sjellë emocione të forta në 'PGE Arena', aty ku Polonia do të përballet me Shqipërinë në gjysmëfinalet e play-off-eve të Kupës së Botës. Por, ndonëse statistikat historike janë në anën e vendasve, mediat polake, përfshirë “SuperSport”, kanë ngritur alarmin për formën e liderit të tyre, Robert Lewandowski.

Kombëtarja polake ka një rekord mbresëlënës në këtë stadium, me 28 fitore, 13 barazime dhe vetëm 7 humbje në 48 ndeshje. Megjithatë, shqetësimi kryesor lidhet me efektivitetin e sulmuesit kryesor.

Robert Lewandowski ka shënuar vetëm një gol në katër ndeshje ndaj Shqipërisë dhe nuk ka gjetur rrugën e rrjetës në tre përballjet e fundit ndaj kuqezinjve. Kjo statistikë ka shtuar pasigurinë në prag të një ndeshjeje vendimtare, ku pritet që kapiteni të bëjë diferencën.

Në Poloni, pritshmëritë janë gjithmonë të larta për sulmuesin e tyre kryesor, por këtë herë presioni duket edhe më i madh.

S.Dh/Shqiptarja.com

Ora 16:40
VIDEO/ Policia polake ndalon festimet e shqiptarëve, kontrolle të imtësishme

1774539738_tifozetkuqezi.jpg

Në prag të ndeshjes me Poloninë, forcat e policisë polake janë të pranishme në çdo rrugicë të qytetit.

Gazetari i gazetës TemA, Fatjon Baze, raporton nga Varshava se policia ka ndaluar këngët dhe festimet e tifozëve shqiptarë.

Përveç kësaj, ata kanë ushtruar kontrolle të imtësishme ndaj tifozëve, duke u kërkuar mjete identifikimi dhe duke i mbajtur të ndaluar për më shumë se 30 minuta.

S.Dh/Shqiptarja.com

Ora 16:15
'Adem Jashari' në Varshavë, kryeqyteti polak 'vishet' kuqezi! Nis festa e shqiptarëve me tupana e këngë patriotike (VIDEO)

Në stadiumin 'PGE Arena' të Varshavës pritet që sot të jenë diçka më shumë se 3 mijë shqiptarë, në mbështetje të ekipit kombëtar të Shqipërisë, i cili luan kundër Polonisë për gjysmëfinalen play-off të Kupës së Botës 2026.

Prej paradites së sotme në rrugët e Varshavës tifozët shqiptarë kanë 'veshur' kuqezi pjesët e qytetit ku janë vendosur, duke mos munguar këngët patriotike (mes tyre edhe 'Mora Fjalë' të Adem Jasharit), vallet dhe tupanat. Gjithashtu të shumtë kanë qenë tifozët me veshje popullore shqiptare.

S.Dh/Shqiptarja.com