FOTO/ Aksident i frikshëm në Kosovë, makina ndahet në gjysmë nga përplasja e fortë! Vdes një person, plagosen 5 të tjerë

Një aksident me pasojë vdekjen ka ndodhur në orët e para të mëngjesit të sotëm në Malishevë të Kosovës. Dy makina u përfshinë në aksidentin e frikshëm gjë që shkaktoi vdekjen e një personi dhe plagosjen e pesë të tjerëve.

Viktima ka ndërruar jetë në vendin e ngjarjes. Ndërsa 5 personat e tjerë të plagosur janë dërguar në spital për trajtim mjekësor. Siç shihet nga fotoja e siguruara nga vendngjarja, përplasja ka qenë aq e rëndë sa njëra prej makinave është ndarë në gjysmë.

“Rreth orës 07:00 kemi pranuar informatën se në rrugën Arllat – Malishevë, ka ndodhur një aksident trafiku me pasoja fatale. Në këtë aksident kanë qenë të përfshira, dy automjete, të cilat kanë qenë në lëvizje. Si pasojë e aksidentit lëndime trupore kanë pësuar gjashtë  persona, një prej tyre nuk kanë arritë të përballojnë plagët dhe i njëjti ka ndërruar jetë . Vdekjen e tij e ka konstatuar ekipi mjekësor në vendngjarje, ndërkohë që personat e lënduar janë dërguar për trajtim mjekësor. Me rastin po merret hetuesia nga njësiti i trafikut rrugor”-thuhet në njoftimin e policisë.

LEXO EDHE:
Dëborë dhe akull në rrugën e Kombit, makina del nga rruga, shpëton mrekullisht familja (Video)

B.V/Shqiptarja.com

TAG:
• kosova
• Aksidenti