Foto/Conor McGregor i
futet botës së boksimit

Kampioni Irlandez i Arteve Marciale ose ndryshe UFC, është pajisur ditën e sotme në Kaliforni, me licensen që i mundëson të drejtën për të garuar edhe në sportin e boksit.

McGregor është i pari sportist që arrin të fitojë dy tituj kampion të UFC në dy pesha të ndryshme, atë të peshës së lehtë dhe peshës pupël të cilin e dorëzoi pak ditë më parë.

Por lajmi më i fundit vjen pikërisht prej tij që pas marrjes së licensës, ka rezervuar ringun për një ndeshje me boksierin e famshëm Floyd Mayweather.


 (Sfida që pritet mes McGregor dhe Mayweather)

Në një duel titanësh, që për sportet respektive janë dy personazhe mjaft të ndjekur, sfida do të gjeneronte miliona e miliona dollarë.

27-vjecari nga Dublini ka thënë se nuk do të jetë duke garuar deri përpara majit të 2017.

Arsyeja është se ai kërkon të pushojë për disa kohë që pas lindjes së fëmijës së tij të parë. Por e gjitha mbetet për t’u parë me një McGregor që tashmë ka lënë pas oktagonin për të provuar shijen e një ringu boksierësh.

Redaksia Online
K.M/Shqiptarja.com