Foto/ I vendosi tritol objektit në Shëngjin, ky është i arrestuari! I riu nuk kishte konflikt me pronarin, dyshohet se ishte paguar për sulmin

Ky është 21-vjeçari Erald Pajtani i arrestuar për vendosjen e lëndës plasëse në një objekt në ndërtim në Shëngjin në pronësi të Liman Gjokës. Ndalimi i të riut erdhi me urdhër të prokurorisë së Lezhës, pas identifikimit të automjetit të përdorur nga autorët.

Makina mësohet se është filmuar nga kamerat e sigurisë të një biznesi dhe 21-vjeçari rezulton se e kishte marrë me qira tek një servis, për ta përdorur në sulmin me lëndë plasëse ndaj objektit në ndërtim në pronësi të biznesmenit Liman Gjokës.

I riu dyshohet të ketë bashkëpunuar dhe me persona të tjerë për vendosjen e lëndës plasëse dhe vijon puna për identifikimin e tyre. Nga hetimet rezulton se 21-vjeçari nuk ka ndonjë konflikt me pronarin e objektit, por ka dyshime se ai mund jetë paguar për të kryer sulmin me tritol.

Lajmi kryesor:

I vuri tritol objektit në Shëngjin, në pranga një 21-vjeçar! Shpërthimi i parë nga 2 të tilla brenda 3 javësh, i riu dyshohet se ishte paguar për sulmin

E.M./Shqiptarja.com

TAG:
• Lezhe
• eksploziv
• tritol
• Shengjin
• policia e lezhes
• Liman Gjoka
• erald pajtani