Presidenti Ilir Meta ka uruar festën e Vitit të Ri nga QSUT ku ka vizituar fëmijët me probleme shëndetësore të cilët këto ditë festive i kanë kalojnë në spital dhe jo pranë famljarëve të tyre. Kreu i shtetit ka postuar në Facebook foto me një vogëlueshe nga Fieri, e quajtur Amelia e cila ndodhet e shtruar në QSUT. 

Meta u ka uruar shërim të shpejtë fëmijëve të sëmurë, ndërsa ka vlerësuar edhe kujdesin e ekipit mjekësor të cilët pavarësisht se në ditë festash, qëndrojnë pranë njerëzve në nevojë. "Më shumë kurajo e shpresë, kujdes e solidaritet, për një shëndet më të mirë e për më shumë gëzime e lumturi në familjet e tyre! Shumë urime edhe për të gjithë personelin mjekësor që sot e presin ndërrimin e viteve larg familjeve të tyre të shtrenjta, por pranë fëmijëve dhe qytetarëve që kanë nevojë për kujdes e solidaritet sot", thuhet në mesazhin e Metës. 
meta
meta ne qsut
(Presidenti Meta në QSUT)

Postimi i Metës:
"Përmes kësaj foto me Amelian, vogëlushen nga Fieri që do e presë Vitin e Ri këtu në QSUT, ju uroj të gjithë fëmijëve me probleme të shëndetit: "Gëzuar Vitin e ri 2018"! 

Më shumë kurajo e shpresë, kujdes e solidaritet, për një shëndet më të mirë e për më shumë gëzime e lumturi në familjet e tyre! Shumë urime edhe për të gjithë personelin mjekësor që sot e presin ndërrimin e viteve larg familjeve të tyre të shtrenjta, por pranë fëmijëve dhe qytetarëve që kanë nevojë për kujdes e solidaritet sot".

Redaksia Online
l.q/Shqiptarja.com