POP 5

Lajmet më të lexuara të 5 minutave të fundit

Politikë

FOTO/ Modelet si do jene fletët e votimit në zgjedhjet e 25 prillit

Report Tv ka sjellë modelet e fletës së votimit mbi të cilat po punon KQZ për zgjedhjet e 25 prillit. Aktualisht janë 5 modele për të cilat po punohen.

Komisioni Qendror i Zgjedhjeve po punon mbi 5 modele për të përcaktuar fletën e votimit për zgjedhjet e 25 prillit.

Modeli i parë është ai i renditjes në shtylla horizontale të subjekteve politike apo listave shumëemërore, në krye të së cilës qëndron partia Politike apo koalicioni, dhe hapësira për të votuar partinë dhe poshtë saj, emrat e kandidatëve të secilës forcë politike me numër rendor. Krahas  kandidatëve, do të vendoset edhe logoja e partisë së kandidatit.

Edhe modeli i dytë është ngjashëm me të parin, por në këtë rast, kandidatët nuk kanë numër rendor apo logo përbri, por vetëm hapësirën ku mund të shënohet vota.

Modeli i tretë në të cilin po punon KQZ, është ai i fletës së votimit, të ngjashme me atë tradicionale, ku partitë politike apo koalicionet janë të renditura njëra pas tjetrës vertikalisht, logo, emri dhe më pas hapësira për të votuar. Ndësa në fund të fletës, numrat qëkorrespondojnë me numrin e kandidatit të preferuar në listën e subjektit.

Modeli i katërt është i ngjashëm me atë të tretë, por numrat për kandidatët e preferuar, është i renditur anash emrave të subjekteve partiake.  

Modeli i 5 është ajo fletë votimi ku poshtë subjektit politik apo partisë që udhëheq listën shumë emërore, janë të renditur numrat për të zgjedhur kandidatin e preferuar.

Në rastin kur kandidatët nuk janë të përfshirë me emra në fletën e votimit, por vetëm me numra, votuesi njihet paraprakisht në listat jashtë qendrave të votimit me numrin që i korresondon kandidatit të preferuar.

Ndërkohë KQZ ka nënshkruar kontratën edhe me kompaninë “Smartmatic”, e cila do të bëjë të mundur identifikimin elektronik në të gjithë vendin për zgjedhjet e 25 prillit.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Përse Wisconsin është thelbësor në garën presidenciale të vitit 2024?

Përse Wisconsin është thelbësor në garën presidenciale të vitit 2024?

4 Nëntor, 18:47