Sfida ishte ambicioze: të bëhej në shesh në Tiranë një protestë e ngjashme me atë të shpërthyer në Rumani.
 
Lulzim Basha, Sali Berisha dhe shumë mbështetës të PD-së e kishin përsëritur këtë mijëra herë ditët dhe javët para 18 shkurtit: Tirana si Bukureshti!
 
Protesta në Rumani po zhvillohet për javë të tëra dhe grumbullon ditë e natë, në diell e në shi e pa asnjë çadër, dhjetëra mijëra qytetarë.
 
Protesta e Tiranës ka katër ditë që zhvillohet dhe që tani ndoshta mund të bëhet një krahasim: a ja kanë arritur organizatorët e saj të bëjnë diçka të ngjashme me atë që po ndodh në Rumani?
 
Dy fotografitë janë bërë sot. Njëra vjen nga sheshi i Bukureshtit dhe tjetra nga Bulevardi i Tiranës (për të shmangur akuzat për manipulime, imazhi është marrë nga transmetimi direkt që bën media zyrtare e familjes Berisha).
 
Tani për tani, e vetmja gjë që kanë të përbashkët është përdorimi i flamurit kombëtar. 
 
protesta tirane
Protesta e PD në Shqipëri

protesta rumani
Protesta në Rumani


dy.b/shqiptarja.com