Veliaj takon tre Lulët në Pezë: Këta nuk zgjohen si Luli në Tiranë në 11! Në Kamzë u bien me dru kokës të vetëve për të bërë Xhelalin deputet

Kryebashkiaku i Tiranës Erion Veliaj, nga Peza është përfshirë në debatin e ditëve të fundit që është bërë mes kryeministrit Edi Rama dhe presidentit Ilir Meta në lidhje me dekoratat.

Veliaj ka "thumbuar" Metën nga Peza duke thënë se ka sjellë të parin në Tiranë deputetin që kishte ngritur kioska sipër bustit të Vojo Kushit.

"Pashë debatin e presidentit me këto dekorata dhe meqë jemi në Pezë besoj më lejohet ti drejtohem. Tha Vojo Kushi Vojo Kushi, mirë po dakord çdo njeri do të jetojë jetën që flet dhe jeton. Se nëse themi të tjera fjalë nëse flasim për dashuri dhe rrihemi me karrige nuk jetojmë jetën që flasim.

Te Selvia para ca kohësh ishte mbushur me kioska me bingo, një moment kryetari i bashkisë shef që te busti i Vojo Kushit po ngrihej lloto me një kafaz dhe kafazi i shkonte Vojos nga sipër. Si Vojo ia kishte hip tankut ia kishte hip lloto vojos. Dhe më tha policia bashkiake se ka ardh deputeti Rimi. Ka ardh se llotot janë pronë e tij dhe ky  e bën shtesën. E s'na le me punu. Në qeverinë tonë Vojo Kushi ka vendin e vet dhe llotot kanë vendin e vet.

Dje doli lajmi se presidenti që do kaq shumë Vojo Kushin dhe dekoratat sjell të parin e Tiranës për partinë e vet deputetin që ia hipte Vojos sipër. Me kë tallen këta, mendojnë se njerëzit janë budallenj. Se kuptojnë se dekorata  janë fiktive. Kur ti sjell zaptuesin e vojo kushit dhe e bën të parin në Tiranë është të tallesh me gjakun e dëshmorëve sepse është fyese që në një vend të shenjtë që është destinuar për dëshmorët ti nuk mund të tallesh", tha Veliaj.

Kryebashkiaku i Tiranës Erion Veliaj, ka komentuar sherrin e ndodhur dje gjatë votimeve për kandidatë për deputetë të Partisë Demokratike në Kamëz, ku mbetën të plagosur lehtë dy persona. 

Me ironi Veliaj tha se na duhen heronj, dhe jo si ata që gjuajnë me dru kokës të vetët për të zgjedhur Xhelal Mziun deputet.

"Na duhen heronj si Sonila jo si ata që u bien me drunj kokës për të bërë Xhelalin deputet. A e kuptoni ça hallesh ka rinia jonë. Ata janë duke folur si të bëjnë shkollat e reja të rinjtë e tyre thonë drurin kokës e thyja karrigen njeriut të vet. Imagjinoni ça i bëjnë ata njeriut tonë. Çfarë i bëjnë shqiptarëve të pa angazhuar dhe atyre që i shërbejnë. Në familjen e tyre rrihen e valon druri a do bëhet Xhelali deputet. E kujt i bëhet vonë çfarë do bëhet Xhelali. Ne nuk jemi këtu se jemi shefa e gjeneralë se bërtasim për të dhënë urdhra", tha Veliaj.

Shumë personalitete të njohur në fushën e artit por jo vetëm i janë bashkuar sëfundmi PS duke dalë në krah të Erion Veliajt dhe shprehur hapur mbështetjen për një mandat të tretë qeverisës. Nga Ndroqi ku zhvilloi një takim me asamblenë socialiste të kësaj zone, Veliaj theksoi se kjo është mëse normale që edhe VIP-at të kenë opinion pasi jetojnë në këtë vend. Si shembull kryebashkiaku Veliaj solli dhe shembullin e këngëtares së njohur amerikane Taylor Swift e cila shprehu mbështetjen për Joe Biden. 

“E tha dikush e ç’janë gjithë këto VIP-a që sjell Lali Eri, gjithë këto, këngëtarë e këto. Po mir mo se po shihja lajmit tani, për ju që jeni çuna  dhe goca të reja. Taylor Swift, artistja më e pasur në botë, s’ka pikë nevoje për politikën,  dhe doli dhe tha: - Unë do votoj për Joe Biden. Pse sepse do jetoj në Amerikë, jeta ime është serioze pavarësisht se i kam të gjithë gjërat e rregulluara. Unë kam opinion.  Ore fakti që jam VIP dhe jam i famshëm s’do të thotë që skam opinion, s’do të thotë që nuk arsyetoj, s’do të thotë që nuk marr vendim, s’do të thotë s’më punon logjika. Kështu që patjetër mo dhe VIP-a  të njohur dhe artistë  dhe sportistë. Çdo njeri mo , edhe një, edhe një, kështu bëhet familja e madhe”, tha Veliaj.