FOTO/Kush është infermieri i Traumës që humbi jetën nga COVID-19, miqtë: E thërrisnim doktor

Infermieri i Spitalit Ushtarak në Tiranë humbi jetën në moshën 63 vjeçare për shkak të koronavirusit.

Të afërmit dhe miqtë e tij kanë shprehur hidhërimin e thellë për ndarjen nga jeta të Pëllumb Zef Maletaj me origjinë nga Tetajt e Merturi.

Siç shkruajnë miqtë e tij, Maletaj ishte një person i devotshëm në punën e tij dhe të gjithë e thërrisnin 'doktori'.

"Me hidherim të thellë njoftojmë se është ndarë nga jeta e parakohëshme, në moshën 63 vjeçare, Pëllumb Zef Maletaj me origjinë nga Tetajt e Merturi, njëri prej më humanëve dhe më të devotshëm të bluzave të bardha të Spitalit Ushtarak, doktori, siç e therrisnin pacientet, miqt dhe shokët infermierin e mirë dhe të kudogjendur për banorët e Laprakës e nikajmertursit në përgjithësi. Zoti i forcoftë familjen e gjithë farefisin per këtë humbje të rëndë.

I përjetshëm qoftë kujtimi i Pllumb Maletaj", shkruan një mik i infermierit Pëllumb Maletaj.

 

Lajmi kryesor:

COVID-i shuan infermierin 63-vjeçar tek Trauma, ndërrojnë jetë 6 persona, 135 raste të reja gjatë 24 orëve

TAG:
• Koronavirus
• koronavirus ne shqiperi
• pellumb melataj