Fotolajm, derbi Partizani-Tirana
​lojtarët dhe tifozët falen në xhami

TIRANË - Ndërsa vetëm pak orë na ndajnë nga derbi i 140-të i dy skuadrave kryeqytetasve, Partizani- Tirana, në rrjetet sociale janë shpërndarë foto të lojtarëve dhe tifozëve të të dyja ekipeve duke u lutur në xhami.
 
Ndeshja Partizani- Tirana, nuk thjesht një derbi i dy ekipeve nga i njëjti qytet, por është edhe përballja e dy skudrave me më tepër tifozë në Shqipëri. Përballja mes tyre ka sjellë shpesh herë tejmbushjen e stadiumit kombëtar “Qemal Stafa”, edhe këtë herë biletat janë shitur një ditë para ndeshjes.
 


Bilanci 
Partizani dhe Tirana janë përballur 139 herë mes tyre në 68 vitet e fundit të historisë së futbollit shqiptar.
 
Partizani ka regjistruar 54 fitore, 43 Tirana, ndërsa 42 sfida kanë përfunduar në barazim.
 
Edhe golaverazhi anon nga Partizani, që ka shënuar 197 gola në portën e Tiranës, ndërsa bardheblutë 159 herë rrjteën e të kuqve.
 
Fitorja më e thellë e Partizanit është 8-0, ndërsa e Tiranës 7-3.
 
Aktualisht dy ekipet janë në luftë për titullin kampion këtë edicion, teksa biletat për këtë ndeshje janë shitur të gjitha.
 
Kujtojmë që FSHF theu edhe rregullat duke lejuar tifozët e Tiranës të jenë në stadium në ndeshjen derbi duke e justifikuar dënimin nga Disiplina për ngjarjet në Elbasan, se futet në fuqi pas përgjigjet së Apelit.
 
E gjitha kjo edhe pse jo zyrtarisht për faktin se ndeshja do të transmetohet nga Sky Italia për herë të parë.

Redaksia Online
(a.h/shqiptarja.com)