FOTOLAJM/ Edi Rama: “Heshtja
e dyfishtë”, një libër që ia vlen

TIRANE - Kryeministri Edi Rama me një postim në profilin e tij në Facebook, ka ftuar qytetarët që të lexojnë librin “Heshja e Dyfishtë” të  gazetarit Carlo Bollino pasi sipas tij “Ia vlen!”.
 
“Heshtja e dyfishtë. Një libër për të gjithë ata që duan të dinë më shumë lidhur me historinë e bujshme të shkatërrimit të armëve kimike në Shqipëri”, shkruan kryeministri Edi Rama në shënimin e tij të shpërndarë në Facebook.
Libri i gazetarit Carlo Bollino “Heshtja e dyfishtë”, kushtuar prapaskenave kombëtare e ndërkombëtare që paraprinë vendimin e qeverisë Rama për t’i thënë “Jo!” pranimit të lëndëve kimike siriane për t’u demontuar në territorin shqiptar, është prezantuar të martën në 11 mars 2014 në Teatrin e Komedisë, ndërsa në treg ndodhet që prej datës 27 shkurt 2014.

Duke iu referuar titullit të librit, kreu i qeverisë Edi Rama i pranishëm në prezantimin e librit, tha se "Heshtja e dyfishtë, si nga qeveria shqiptare, ashtu edhe nga negociatorët amerikanë, ishte e imponuar nga fakti se nuk pati një vendim". Të pranishëm në këtë ceremoni ishin edhe kreu i Kuvendit Ilir Meta, ministrja e Mbrojtjes, Mimi Kodheli, dhe ministri i Jashtëm Ditmir Bushati dhe personalitete të tjera të vendit.
 
Në prezantimin e librit, gazetari Carlo Bollino shpjegon arsyet pse ky libër është titulluar “Heshtja e dyfishtë”. Bollino i referohet heshtjes së protagonistëve kryesorë, nga njëra anë një heshtje e qeverisë shqiptare, institucioneve, apo diplomacisë, dhe nga ana tjetër një heshtje edhe nga ana e negociatorëve amerikanë.  
Redaksia online
(ac/shqiptarja.com)

TAG:
• carlo bollino