FOTOLAJM/Pietro Grasso flet për
Antimafian, opozita në “radhë të parë”

TIRANË - Presidenti i Senatit italian Pietro Grasso, në vizitë dy ditore për herë të parë në Shqipëri rezervoi dhe një pjesë të rëndësishme të kohës së tij të flaës për dy librat, (njëri i publikuar në shqip,) që flasin për luftën kundër Mafias.

Librat u prezantuan në formë interviste nga gazetari i mirënjohur italian Carlo Bollino, drejtues i Tv A1Report dhe të përditshmes Shqiptarja.com. Bollino ka një eksperiencë të gjatë dhe si gazetar në Itali që ka shkruar për çështje të Mafias, sidomos për Sacra Corona Unita.



Librat “Per non morire di Mafia” (Për të mos vdekur nga Mafia) dhe Lezioni di Mafia (Leksione Mafie) u prezantuan para një publiku të gjerë. Siç duket dhe nga fotot, në radhë të parë bien në sy dy eksponentë të opozitës, Majlinda Bregu dhe Edi Paloka. Drejtori i Përgjithshëm i Policisë Artan Didi, Ish-Kryeprokurorja Ina Rama dhe shumë deputetë si dhe të rinj dhe përfaqësues të medias.

Ekperienca e kreut të Senatit Italian si ish Prokuror i Përgjithshëm i Antimafias Italiane ishte mbresëlënëse dhe mesazhi i tij qe i qartë: “Mafia nuk mund të luftohet vetëm me prokurorë e gjykatës antimafia, por kërkon gjithë impenjimin e shoqërisë, sidomos të të rinjve”. Deputeti Edi Paloka, pasi bleu librat e Kryeprokurori, ishte i pari që shkoi dhe i kërkoi autograf.



Redaksia Online

TAG:
• carlo bollino