Një problem tejet shqetësues mbetet ndotja e mjedisit. Në një foto të publikuar në faqen e tij në rrjetin social “Facebook”, Auron Tare, denoncon mbeturinat e hedhura në rrugë në një nga zonat më të preferuara nga turistët, atë të Ksamilit.
Rrugës që të çon drejt bregdetit të Ksamilit, plehrat kanë “pushtuar” rrugën kryesore, edhe pse kazanët e mbeturinave ndodhen pikërisht aty.
E sikur të mos mjaftonte me kaq, disa lopë ndodhen aty pranë mbeturinave. Kjo pamje të lë një shije të hidhur dhe vret syrin e çdo kalimtari e sidomos të turistëve të huaj, të cilët vijnë për të vizituar Shqipërinë.
(Fotoja e publikuar nga Auron Tare me dicituren : Në Ksamil)
Redaksia Online
(e.s/shqiptarja.com)