MAQEDONI - “Shqipri Etnike”, është slogani i shkruajtur ditën e sotme në anijen “Maqedonia”, e cila është ankoruar në portin e qytetit të Ohrit në Maqedoni.

Sipas portalit maqedonas “lihnid.com” në pjesën anësore të anijes “Maqedonia” është gdhendur “Shqipri Etnike”.

Ngjarja fillimisht është vënë re nga pronarët e anijeve të ankoruara aty pranë.

“Lihnid.com” ka publikuar foton ku shihet parulla e shkruar në shqip fare pranë emrit që mban anija.

anija maqedonia
(Në foto anija "Maqedonia")

Ndërkohë mësohet që policia ka nisur hetimet për të mësuar autorët e këtij akti.

Anija është ndërtuar në gjysmën e parë të shekullit të kaluar në kantierin Smederevë në Serbi.

Gjatë viteve anija është përdorur nga shumë kompani publike dhe aktualisht është në pronësi të dy biznesmenëve të Ohrit.

(eç/shqiptarja.com)