Fotomontazhi i shëmtuar i Enver
Hoxhës me Stalinin që s’u botua kurrë

Gazetari dhe studiuesi Kastriot Dervishi ka publikuar një fotomontazh të vitit 1952, që sipas tij nuk u botua kurrë.

Në këtë foto Enver Hoxha është shtuar me montazh ne podium teksa Stalini ishte duke mbajtur fjalim në vitin 1952

“Në qindra fotot personale të Enver Hoxhës gjendet edhe kjo foto e montuar që tregon diktatorin sovjetik Stalin duke folur në kongresin e Partisë Komuniste të Bashkimit Sovjetik. Fotos i është shtuar me montazh në vitin 1952 edhe nxënësi besnik i Stalinit, diktatori i Shqipërisë.Montazhi është kaq qesharak dhe i dallueshëm sa që nuk u përdor kurrë në atë kohë, por ngeli brenda albumeve të arkivit personal të diktatorit të Shqipërisë. Me siguri nxënësit të Stalinit nuk duhet t’i kenë pëlqyer mënyra e montazhit, këndi i dëgjimit, prerja e veshëve në mënyrë të trashë, etj”,-shkruan Dervishi në faqen e tij në Facebook.


 (Fotomontazhi i Enver Hoxhës me Stalinin)

Redaksia Online
XH.K/Shqiptarja.com