Franca ashpërson ligjin për emigrantët! U vështirësohet marrja e familjarëve

Pas bllokimit prej disa muajsh parlamenti francez e ka miratuar disa ndryshime ligjore që ashpërsojnë politikën e Francës për emigracionin. Amendamentet e miratuara u mbështetën nga Rilindja, partia e qendrës e presidentit francez, Emmanuel Macron dhe partia e krahut të djathtë e Marine Le Penit, Marshi Kombëtar. Përfaqësuesit e partive të majta akuzuan Macronin se po bën pazare  me të djathtën ekstreme. Por pavarësisht debateve macron ka pasur shumicë dërrmuese në dhomën e ulët të parlamentit, dhe nuk ka pasur nevojë për mbështetjen e Le Penit.

Para votimit në parlament Macron i tha përfaqësuesve të partisë së tij se nuk dëshiron që Marshi Kombëtar të ketë fjalën e fundit mbi këtë fitore. AFF bën të ditur se Macron ka thënë se preferonte që dokumenti të rishihej sesa të miratohej  me votat mbështetëse të Le Penit

Me ndryshimet e miratuara emigrantëve u vështirësohet marrja e familjarëve në Francë, dhe u zgjatet periudha për të fituar qasje në përfitimet e shtetit. Një draft paraprak i këtij dokumenti ka dështuar të miratohet për shkak të kundërshtimeve të opozitës. Grupet për të drejta të njeriut, kritikuan vendimin e marrë, duke e quajtur ligjin e miratuar si më regresivin në dekada.

Deputetët e së djathtës ekstreme dhe konservatorët e kanë përkrahur vendimin, ndërsa të majtët kanë shprehur zhgënjim. Partia e Macron ka humbur shumicën në parlament në zgjedhjet e korrikut të vitit 2022. Nga ajo kohë qeveria e tij ka pasur vështirësi disa herë që të çojë përpara projektligjet në parlament.

S.G/Shqiptarja.com

TAG:
• Paris
• emigrante