POP 5

Lajmet më të lexuara të 5 minutave të fundit

Sport

Franca dhe Belgjika presin biletën e Botërorit, Holanda shpërdoron mundësinë e artë

Belgjika dhe Franca janë dy kombëtaret e radhës që kanë siguruar matematikisht kualifikimin në Botëror, ndërsa Holanda ka shpërdoruar mundësinë e artë kundër Malit të Zi duke e çuar gjithçka në ndeshjen e fundit.

Danimarkës dhe Gjermaninë i janë bashkuar edhe Belgjika me Francën si dy kombëtaret e radhës që kanë siguruar edhe matematikisht kualifikimin për në Botërorit e Katarit. Një ndeshje para se të mbyllen eliminatorët, kampionët në fuqi të Botës, Franca ka shpërtalluar me shifrat e thella 8-0 Kazakistanin. Në këtë 90 minutësh spikati mbi të tjerët Mbappe që realizoi ‘poker’, 3 prej të cilëve që në pjesën e parë. Për t’u veçuar ishte edhe Benzema me ‘dopietë’. Pas 7 ndeshjesh Franca kryesuese është me 15 pikë, 4 më shumë se Finlanda ndjekëse.

Ndërkohë Belgjika ka bërë detyrën duke mposhtur me rezultatin 3-1 Estoninë. Ndeshjen e zhvilluar në Bruksel e zhbllokoi fillimisht Benteke, ndërsa më pas realizuan Carrasco dhe Eden Hazard. Pas 7 ndeshjesh ‘djajtë’ e Roberto Martinez janë në kuotën e 19 pikëve, 5 më shumë se Finlanda e vendit të dytë që fitoi 1-3 në transfertën e Bosnje-Hercegovinës.

Ndryshe nga Belgjika dhe Franca, Holanda ka shpërdoruar rastin për të siguruar matematikisht Botërorin. ‘Tulipanët’ në transfertën e Malit të Zi edhe pse deri në minutën e 81 udhëhiqnin me shifrat 0-2, në fund nuk shkuan më shumë se një barazim 2-2. ‘Dopietës’ së Depay-t për Holandën iu përgjigjën Vukotic dhe Vujnovic për Malin e Zi. Pas sfidës së parafundit në grup Holanda udhëheq me 20 pikë, 2 më shumë se Turqia dhe Norvegjia. Në ndeshjen e fundit pas dy ditëve Holanda do të presë Norvegjinë.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Spahiu: Censusi qesharak! Shqipërinë e nxjerrin 90% më fetare se Italia dhe Gjermania

Spahiu: Censusi qesharak! Shqipërinë e nxjerrin 90% më fetare se Italia dhe Gjermania

2 Korrik, 23:00