Përmes një deklarate të përbashkët, Franca, Gjermania dhe Polonia kanë bërë thirrje për progres sa i përket çështjes së liberalizmit të vizave për Kosovën.
“Ne bëjmë thirrje për progres në lidhje me liberalizimin e vizave për Kosovën. Vendet tona janë të përkushtuara fuqishëm ndaj Procesit të Berlinit si një mjet shtesë për të nxitur bashkëpunimin rajonal dhe anëtarësimin në BE të vendeve të Ballkanit Perëndimor”, thuhet në deklaratën e 16 shtatorit.
Në deklaratë, vihet theksi tek dialogu mes Kosovës dhe Serbisë, ndërsa thuhet se është e rëndësishme që të arrihet një marrëveshje mes tyre, pasi është e nevojshme për përparimin e rrugëtimit të tyre europian.
“Ne e mbështesim plotësisht dialogun Kosovë-Serbi të udhëhequr nga BE-ja dhe theksojmë nevojën për një marrëveshje gjithëpërfshirëse që i lejon Kosovës dhe Serbisë të përparojnë në rrugët e tyre evropiane dhe të kontribuojnë në stabilitetin në rajon”, vazhdon deklarata e përbashkët.
Liderët e Francës, Gjermanisë dhe Polonisë kanë rënë dakord që të zhvillojnë një vizitë në Ballkanin Perëndimor. Kosova është shteti i vetëm në Ballkanin Perëndimor që nuk ka liberalizim vizash me Bashkimin Europian.
Kryeministri i Kosovës Albin Kurti ka reaguar pas deklaratës së përbashkët të Gjermanisë, Francës dhe Polonisë, të cilat bënë thirrje për liberalizimin e vizave për qytetarët e Kosovës. Kurti thotë se ka mirëpritur riafirmimin e liberalizimit të vizave për Kosovën.
“E mirëpres riafirmimin e liberalizimit të vizave për Kosovën, përkushtimin e qartë për zgjerimin e BE-së, Procesin e Berlinit dhe Tregun e Përbashkët Rajonal nga Ministrat për Çështje Evropiane të Trekëndëshit të Weimarit”, shkruan Kurti.
Lajme të tjera
-
Gjermani/ Oficeri i afërt me AfD pranon se ka spiunuar për Rusinë
1 Maj, 08:57 -
Scholz: Hapa konkretë për themelimin e Asociacionit, të rëndësishëm për anëtarësimin e Kosovës në Këshillin e Evropës
30 Prill, 07:37 -
Gjermania arreston një rus që dyshohet se vrau dy ushtarë ukrainas
29 Prill, 19:37 -
FOTO/ Kush është shqiptari që vrau pronarin serb të një lokali në Gjermani! Pas sherrit e qëlloi me armë
29 Prill, 10:26 -
Shqiptari qëllon për vdekje pronarin e një restoranti në Gjermani, vihet në pranga
28 Prill, 21:56 -
Zyrtare/ PSG kampione e Ligue I për herë të 12-të në histori
28 Prill, 21:36 -
Ministri gjerman: Synimi i Putinit s’është Ukraina, por Evropa
28 Prill, 08:17 -
Lituania mbështet idenë e dislokimit të armëve bërthamore të NATO-s në Poloni
26 Prill, 21:56 -
Franca dhe Gjermania arrijnë marrëveshje për “tanket e së ardhmes”
26 Prill, 18:03 -
A ka ndryshuar qëndrimi i Francës karshi Kosovës ndër vite?
25 Prill, 13:55 -
Ekonomia gjermane ende nuk po merr vrull
25 Prill, 08:41 -
Panairi i Teknologjisë në Hanover, Veliaj: Interes i jashtëzakonshëm për zonën e lirë ekonomike
23 Prill, 11:54
