Franca pa shumë 'yje', Deschamps: E vlerësojmë Shqipërinë, kanë një organizim specifik

Franca kampione bote ka publikuar sot listën me 23 futbollistë të cilët do ti ketë të gatshëm për dy ndeshjet eliminatore të Europianit kundër Shqipërisë me 7 shtator dhe kundër Andorës me 10 shtator. Për këto dy sfida të cilat ‘gjelat’ do t’I zhvillojnë në shtëpinë e tyre nuk kanë munguar surpizat në përzgjedhje.

Didier Deschamps ka lënë jashtë 23-shes një futbollist si Samuel Umtiti, i cili ishte titullar në 11-shen që u shpall kampione bote. Pas humbjes së formacionit te Barcelona në favor të Lenglet, e njëjta gjë ka ndodhur edhe në kombëtare. E njëjta gjë mund të thuhet edhe për Alexandër Laccazzette, futbollistin e Arsenalit, vendin e të cilit do ta marrë lojtari i Lille Jonathan Ikone, i cili do të grumbullohet për herë të parë në kombëtare.

Ndërkohë bien në sy dy mungesa tepër të rëndësishme. Kylian Mbappe i Paris SG, Ousmane Dembele i Barcelonës dhe Ngolo Kante i Chelsea-s nuk do të jenë të disponueshëm as për Shqipërinë dhe as për Andorën si shkak i dëmtimeve. Përballja me kuqezinjtë është e para për ‘gjelat’ dhe për këtë trajneri Deschamps është shprehur:

“Shqipëria është një kundërshtar që ne e rrespktojmë. Me 6 pikë ato janë ende në garë. Po t’I shohësh vëren se kanë një organizim specific, me tre qendërmbrojtës. Është një ekip që nuk është e lehtë të luash dhe në shtëpinë e tyre janë ende më të vështirë. Do ta përgatisim këtë ndeshje me seriozitet dhe përqendrim.”

Ne.k./Shqiptarja.com

TAG:
• shqiperia
• Franca