Ka spekulime se Macron ka dhënë dorëheqjen që të garojë në zgjedhjet presidenciale të 2017-s. Ai ka mohuar të ketë plane për të kandiduar për president.
Gjatë detyrës së tij si ministër, 38 vjeçari ka kritikuar hapur punën e qeverisë së Hollande si dhe javën 35-orëshe të punës në Francë.
Macron mori postin e ministrit në vitin 2014, por idetë e tij liberale ekonomike kanë shqetësuar shumë persona në mesin e Partisë Socialiste në pushtet.
Në muajin korrik, Macron nisi lëvizjen e tij të quajtur “Përpara” dhe mbajti një miting në Paris, ku bëri thirrje për mbështetje drejt fitores në zgjedhjet e majit të 2017.
Lëvizja e tij shkaktoi trazira dhe shumë revoltim të sindikatave tregtare për shkak se ka bërë thirrje për më shumë reforma radikale punësimi.
Postin e Ministrin të Ekonomisë në Francë pritet që ta marrë Michel Sapin.
Redaksia Online
Al.Ç/Shqiptarja.com