TIRANE- Largimi i deputetit Gjovalin Kadeli nga Partia Demokratike për t’u bashkuar me Lëvizjen Socialiste për Integrim është konsideruar mëse i natyrshëm nga Partia Fryma e Re Demokratike.

Sipas FRD, “ikja e Kadelit është një lëvizje e natyrshme drejt familjes se tij politike, si pasojë e politikës së pa princip të ish-kryeministrit Sali Berisha”, e cila sipas FRD “po shkakton erozion Brenda të djathtës”.

FRD e ka quajtur Berishën, kali i Trojës brenda të djathës, ndërsa e cilëson si arkitekt e autor të shkatërrimit të Partisë Demokratike.

Gjovalin Kadeli u zgjodh deputet i Lezhës në zgjedhjet e 23 qershorit 2013 me siglën e Partisë Demokratike, ndërsa lajmin se do të shkëputej nga Grupi Parlamentar Demokrat për të kaluar në atë të LSI, deputeti Kadeli e bëri me dije mbrëmjen e të mërkurës.

Redaksia Online
(e.s/shqiptarja.com)