Frenohet fenomeni i martesave të hershme, avokati: 90% përfundojnë në divorce! Për herë të parë në 2022 nuk ka asnjë martesë nën 18 vjeç

Për herë të parë asnjë vajzë nën 18 vjeç nuk u martua gjatë vitit 2022. Ky fakt duket i rrallë në vendin tonë, pasi të martohesh fëmijë, pa mbushur ende të 18-at, ka qenë fenomen për shqiptarët.

Albezi, sot 15 vjeç, edhe pse e pranon se bashkëmoshatarët e tij dikur mendonin që në këtë moshë për të lidhur martesë thotë se pa shkuar mbi të 30-tat as që e mendon krijimin e familjes.

“Mendoj që martesën mund ta lidh 32 vjeç, sepse atëherë mund të kem krijuar një bazë financiare dhe do të jem m do të jem më I pjekur. Dua të kem mbaruar dhe arsimin.”

Për qytetarët martesat në moshë të hershme nuk janë më trend pasi kryesisht meshkujt kërkojnë gjithnjë e një shumë një krijimin e një baze të mire financiare dhe të arsimohen para se të nënshkruajnë kontratën martesore.

“Nuk martohen më në moshë të hershme nga koha. Janë të ikur nëpër vende të tjera.”- u shpreh një qytetar.

“Perspektivë për të krijuar në Shqipëri familje nuk ka.”- u shpreh një tjetër.

“Ka qenë ajo mosha ku nuk kanë patur vetëdijen e duhur, por vetëm ka qenë e dashuruar dhe kaq…”- tha një tjetër.

“Mos me qenë të varur prej familjes, prej njëri-tjetrit. E gjejnë një bashkëpunim me një shkollim më të lartë. Krijojnë një jetë më të pjekur.”- u shpreh një tjetër.

Për Report TV avokati Alban Duraj shpjegon se statistikat e lidhjes së martesës në moshë të hershme kanë ndryshuar sepse 90% e rasteve të tilla përfundojnë në divorc.

“Është një numër shumë I madh dhe shumë I frikshëm sepse rreth 90% e martesave të shkojnë drejt zgjidhjes , këto mund të kenë pasoja shumë të mëdhaja, për vetë bashkëshortët të cilët I zgjidhin këto martesa, por dhe fëmijët që mund të kenë lindur nga kjo martesë. Në këtë prizëm mendoj që kemi një evoluim të shoqërisë dhe çiftet e kanë kuptuar që të kenë një rritje profesionale , një bazë ekonomike dhe pastaj të shkojnë drejt martesës e krijimit të familjes.” - tha Alban Duraj, avokat.

Por për cilat arsye një çift i ri nën 18 vjeç mund të deklarojë martesën?

“Rastet konkrete janë kur ngelet shtatzëne një femër dhe në këtë kuptim e ka kodi.”- tha avokati.

Pasojat e divorcit shpeshherë thotë avokati krijojnë trauma psikologjike, sidomos në rastet kur ka një fëmijë në mes.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet