Një furgon me 9 pasagjerë të ardhur nga Kina janë ndaluar në pikën e kalimit kufitar të Hanit të Hotit në Shkodër që lidh Shqipërinë me Malin e Zi. Kinezët kishin ardhur nga Kina për qëllim për të vizituar Shkodrën, por nga frika e koronavirusit që tashmë ka prekur edhe disa vende europiane ka bërë që policia doganorë të njoftojë grupin e mjekëve të Kelmendit të cilët kanë mbërritur aty. Mjekët kanë kryer për disa orë kontrolle të imtësishme, ndërsa me pas janë lëtë janë lënë që të kalojnë pasi asnjëri nuk kishte shenja të koronavirusit. Edhe në pikën kufitare të Morinës, hyri një shtetase kineze, e cila gjatë kontrollit doli e 'pastër' nga koronavirusi.
Ndërkohë ka qenë njëri prej turistëveqë ka treguar edhe kontrollin që u është bërë nga mjekët për disa orë ndërsa është optimist duke thënë se do të gjendet një mënyrë që Kina ta zhdukë koronavirusin.
“Kemi disa orë këtu. Ne kemi ardhur nga Kina dhe është hera jonë e parë që vijmë në Shqipëri dhe po shkojmë ta eksplorojmë Shqipërinë. Kam shëtitur 9 shtete në botë deri më tani. Kam ardhur këtu me familjen time dhe shoqërinë time nga Kina. Çdo gjë do bëhet më mirë nesër dhe çdo gjë do kalojë dhe ne do e gjejmë një mënyrë që ta vrasim virusin” u shpreh turisti.
Mjeku Ardian Këlliçi i cili mbulon zonën e Kelmendit që përfshin edhe pikën kufitare të Hanit të Hotit pas kontrolleve të turistëve kinez u shpreh se ata nuk kishin asnjë shenjë dhe është dhënë konfirmimi për ta kaluar pikën kufitare të Hanit të Hotit për të ardhur drejt Shkodrës.
"Bashkë me ekipin e drejtorisë së higjienës u mor njoftimi për mikrobusin me turistë kinezë që erdhën nga Italia, do të shkonin në Kalanë e Shkodrës. Gjendja e turistëve ishte normale nuk kishte temperaturë dhe shenja. Nuk ka vend për panik, por sikur konfirmuan edhe kinezët janë nga një provincë 1 mijë km nga origjina e virusit. Është zero rreziku, ato u çuditën se ne ishim dogana e parë që i kontrollonte" tha mjeku.
Pas kontrolleve turistët kinez morën pasaportat dhe vijuan rrugëtimin e tyre drejt qytetit të Shkodrës për t’u rikthyer pas pak orësh sërish në Malin e Zi. Në pikat kufitare të Hanit të Hotit, Muriqanit dhe Bashkimi në Gërçar të Vermoshit janë marrë masat për turistët kinez apo edhe shtetas të tjerë të huaj që mund të shfaqin shenja dyshuese të koronavirusit. Po kështu masa të shtuar ka në të gjitha pikat kufitare të Shqipërisë. Dy ditë më parë në portin e Durrësit u ndaluan dy kinezë, por edhe ata rezultuan të pastër dhe u lanë të lirë të vazhdonin udhëtimin e tyre.
Në pikën doganore të Morinës ka hyrë një shtetase kineze, e cila pas kontrolleve mjekësore rezultoi se nuk ishte e infektuar nga koronavirusi. Sipas Njësisë së Kujdesit Shëndetësor në Kukës, ajo është lënë e lirë të vijojë vizitën e saj turistike drejt Malit të Zi. Kinezja prej 3 javësh ndodhej në shtete të ndryshme të Bashkimit Europian për turizëm, para se të hynte në shtetin shqiptar.
Në Morinë kanë hyrë 1573 udhëtarë mes të cilëve 1527 nga Kosova, 27 nga Turqia, 12 nga Italia dhe 7 nga Gjermani. Të gjithë kanë kaluar kontrollet e shtuara në pikat kufitare dhe nuk kanë shfaqur shenja dhe simptoma të dyshuara në lidhje me koronavirusin.
Nisur me gjendjen e jashtëzakonshme që ka kapluar gjithë botën, edhe vendi ynë po trajnohet në mënyrë që të jetë i përgatitur.
Instituti i Shëndetit Publik në bashkëpunim me Qendrën Kombëtare të Urgjencës Mjekësore kanë zhvilluar trajnim me stafin e urgjencës për masat parandaluese dhe përdorimin e PPE-ve, “Pajisjeve mbrojtëse personale” ndaj koronavirusit.
Gjatë trajnimit pati edhe demostrim praktik të “Pajisjeve mbrojtëse personale (PPE)”.
Sipas ISHP-së, trajnimi do të zhvillohet sërish.
Kujtojmë që deri më tani në Shqipëri nuk ka raste me koronavirus, por e gjithë bota është alarmuar.
Masa për kontrollin ndaj koronavirusit janë marrë edhe në Portin e Sarandës, aty ku mbërrijnë pasagjerët nga vende të ndryshme të botës nëpërmjet aeroportit të Korfuzit. Mjekët bëjnë kontrollin me termometër elektronik ndërsa për pasagjerët që vijnë nga Kina bëhët kontroll më i imtësishëm.
Specialistja e Shëndetit Publik, Zhulieta Këndezi është shprehur se deri më tani nuk ka pasur asnjë rast shqetësues.
"Presim anijen, komunikojmë me kapitenin për shëndetin e ekuipazhin dhe të pasagjerëve. Në radhë të parë i pyesim marrim listën nëse ka nga vendet aziatike, nëse s'ka këta që janë kontrollohen me termometrin elektronik. Nësa ka një rast të dyshuar thërrasim ambulancën, kalon nga urgjenca merren kampionet e gjakur dhe vijon andej më tej", u shpreh Këndezi
Koronavirusi Kinez ka vënë në lëvizje edhe strukturat e shëndetësisë dhe të prefekturës Kukës. Fadil Morina, Drejtor i Njësisë Vendore të Kujdesit Shëndetësor në Kukës është shprehur se është ngritur një grup pune për masat ndaj virusit në doganën e Morinës.
"Dhe ne kemi marrë masa duke caktuar një punonjës për ndjekjen e sëmundjeve infektive. Të gjithë udhëtarët do të intervistohet, janë të pajisur dhe me termometrin dixhital dhe në rast se do të konstatojmë do vendoset në karantinë", tha Morina
Ndërkohë në doganën e Morinit ka nisur kontrolli i udhëtarëve posaçërisht të atyre që vijnë nga Kina. Punonjës të kësaj njësie vendore po pyesin të gjithë shtetasit shqiptarë dhe të huaj në lidhje me lëvizjet e tyre duke kontrolluar edhe termometër elektronik. Në rast dyshimi për dikë të prekur nga virusi i ushtrohet një ekzaminimi më të thellë në repartin infektiv të spitalit të Kukësit.
"Janë marrë të gjitha masat e nevojshme në rritje të survejancës në lidhje me të gjitha sëmundje, në veçanti të koronavirusit, ne kemi sjellë specialist në pikën e Morinit për të monitoruar situatën", u shpreh shefja e Epidemologjisë, Duraku.
Disa udhëtarë të pyetur nëse kanë frikë nga përhapja e virusit kinez në vendin tonë ata shprehen se jo.
"S'e njohim frikën"
S'besoj se do përhapet dhe në Shqipëri", thonë ca qytetarë.
Koronavirusi i ri është përhapur në 21 vende në të gjithë botën, me 7.814 raste të konfirmuara dhe 170 vdekje deri më tani.
Lajme të tjera
-
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11 -
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Ministri Hoxha prezanton drejtorët e Kukësit dhe Dibrës: Të krijojmë mjedise të sigurta në shkolla, rrugë, lagje e kudo
19 Nëntor, 15:26 -
Sot ndeshja Shqipëri - Ukrainë, Policia e Shtetit publikon planin e masave të ndërmarra! Ja rrugët që do të bllokohen
19 Nëntor, 12:16 -
Operacionet kundër krimit të organizuar dhe të kërkuarve, Operacionalja dhe FAST Albania bëjnë trajnime të përbashkëta: Taktikë dhe vetëmbrojtje (VIDEO)
17 Nëntor, 22:21 -
Emërimet e reja/ Ministri Hoxha dhe kryepolici Proda prezantojnë drejtorin e ri të Policisë së Beratit! Detyrat që iu lanë Luigj Vathit
17 Nëntor, 20:39 -
Prezantohen drejtorët e rinj të policisë në Tiranë dhe Durrës, Ministri u lë porosi: Zbardhni sa më shpejt vrasjet e fundit, rihapni hetimet për ngjarjet e vjetra
16 Nëntor, 10:15 -
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53 -
Rinovohen drejtorët e policive në 12 qarqe, ikin të gjithë të vjetrit, vetëm 1 mbijeton! Në Tiranë Elton Alushi zëvendëson Tonin Vocajn (EMRAT)
14 Nëntor, 16:02
-
Emrat e rinj të 12 drejtuesve të policive në qarqe! Ministri porosi vartësve: Zbuloni sa më shpejt autorët e Masakrës së Shkodrës! Bashkëpunoni me SHISH e prokurorinë
14 Nëntor, 13:12 -
Kryepolici Ilir Proda zhvillon vizitën e parë jashtë vendit, zgjedh Kosovën! Takohet me homologun Gazmend Hoxha: Bashkëpunim për goditjen e krimit dhe trafiqeve
12 Nëntor, 14:37 -
Gara për shefat e 48 komisariateve/ Publikohet lista me 290 emra, 9 prej tyre janë gra
12 Nëntor, 10:10
