U tremb nga tërmeti, futbollisti maqedonas 'divorcohet' me Kukësin! Largohet me familjen, kërkon dokumentet me E-mail

Tome Kitanovski

KUKES- Largimi nga Shqipëria pas tërmetit të 26 Nëntorit ka qenë përfundimtar për futbollistin nga Maqedonia Tome Kitanovskin i cili para kësaj tragjedie natyrore luante me skuadrën  e Kukësit. Ish-mbrojtësi i Kukësit ka refuzuar të kthehet në Shqipëri pasi trauma që pësoi nga ajo ditë e ka detyruar që bashkë me familjen të zhvendoset në vendlindje.

Ai ka kërkuar dokumentet përmes email-it, duke shmangur kështu çdo vizitë të mundshme në Shqipëri.

Lajmi është konfirmuar për Report Tv nga vetë shefi i klubit të Kukësit Jonuz Hallaqi. Pas tërmetit klubi vendosi të lërë pushim futbollistët ndërkohë që ndeshjet në kampionatin shqiptar u pezulluan për rreth një javë.

Por stërvitjen në fushën e blertë Kukësi e ka nisur me mungesa, pasi tashmë futbollisti maqedonas e ka marrë vendimin përfundimtar për t'u ndarë nga skuadra me të cilën e angazhua në nisje të këtij kampionati.

/b.ha./Shqiptarja.com
  • Sondazhi i ditës:

    Aksidentet përgjakin rrugët, 73 ngjarje me 15 viktima në 13 ditë. A ka ardhur koha e hartimit të një strategjie nga specialistët për reduktimin e numrit të aksidenteve?

Komento


×

Lajmi i fundit

John

Hidhen me këmbë e me duar, kërcimi epik i dy mjekeve kur shërohet pacienti i fundit me COVID