Frika se Inteligjenca Artificiale mund të zëvendësojë punonjësit, eksperti i IT: Ja si duhet të veprojnë ata që hyjnë te profesionet e rrezikuara

Eksperti i IT, Ardit Gavani ka qenë i ftuar mbrëmjen e sotme në “Studio Live” me gazetarin Arbër Hitaj në Report Tv për të folur për të mirat që sjell Inteligjenca Artificiale dhe “rreziqet” për zëvendësimin e shumë profesioneve në tregun e punës.

Ai tha se frika e njerëzve nga Inteligjenca Artificiale është pak e tepruar, duke theksuar se momentalisht nuk është aq e avancuar sa mendojnë disa persona. Duke marrë shembullin e Chat GPT eksperti tha se po kryehen vetëm detyra të thjeshta, me fjalë kyçe.

“Chat GPT hyn në kategorinë që quhet “nero AI”, pra “AI e vogël”. Chat GPT edhe pse duket e avancuar tek njerëzit që nuk e kuptojnë, nuk është aq e avancuar sa duket. Po operohet vetëm në një taks të vogël, pra përgjigjen vetëm në varësi të atyre fjalëve kyçe. Kompjuterat sot nuk e kanë aftësinë që ka njeriu”- u shpreh Gavani.

Ndërsa më tej, sa i takon frikës për zëvendësimin e profesioneve nga Inteligjenca Artificiale, Gavani tha se duhet të ketë një evoluim në mënyrë që punonjësit të avancojnë në punën që kryejnë duke e bërë më së miri. Sa i takon programuesve të cilët janë të parët që mund të zëvendësohen nga Inteligjenca Artificiale, eksperti nënvizoi se duhet të avancojnë më shumë në punën e tyre.

“Njerëzit tremben se mos do të mbeten pa punë pas Inteligjencës Artificiale. Kjo është një jetë tjetër që njerëzimi ka ofruar. Duhet parë si një mjet që duhet ta përdorim për më mirë. Ata që hyjnë te profesionet e rrezikuara, mendoj se disa profesione duhet të avancojnë.  Për shembull programuesit duhet të evoluojnë dhe të jenë vërtet programues të mirë. Nëse dikush do dojë të punësohet, duhet të jetë vërtet shumë i aftë sepse punët e vogla i kryen Inteligjenca Artificiale”- tha ai.

Në këndvështrimin e ekspertit të IT, Shqipëria ka avancuar në përdorimin e teknologjisë, por ende mbetet në fazën konsumuese dhe jo prodhuese.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Ylli Pata: Fiksimi për teorinë e shumatoreve të patericave në opozitë

Ylli Pata: Fiksimi për teorinë e shumatoreve të patericave në opozitë