Shqiptarët po shtrëngojnë dorën sa iu përket shpenzimeve në pandemi dhe janë bërë edhe më kursimtar. Të ndikuar nga pasiguria ekonomike dhe sociale që po shkakton pandemia, qytetarët çdo muaj e më shumë po rrisin depozitat e tyre nëpër banka. Banka e Shqipërisë raporton për një rritje të depozitave në muajin shtator me rreth 528 milionë euro më shumë se në të njëjtin muaj të vitit 2019.
Në fund të muajit shtator niveli i depozitave ka arritur në 1 trilionë e 78 miliardë lekë, ose përafërsisht 8.7 miliardë euro, duke pësuar rritje si në raport me 2019, ashtu edhe me muajin gusht, ku niveli i depozitave ishte 1 trilionë 69 miliardë lekë. Eksperti Klodian Muço thotë se kjo situatë ishte e pritshme, dhe do të vijojë përsa kohë do të zgjasë edhe pandemia.
"Njerëzit përgjatë pandemisë kanë pasur tendencën që të mos shpenzojnë paratë e tyre në investime qofshin këto hipotekor apo jo, dhe kanë tendencën që këto ti mbajnë nëpër banka", thotw Muça.
Po rritja e depozitave nëpër bankave, a lidhet edhe me faktin që qytetarët kanë frikë të konsumojnë dhe shpenzojnë?
"Sigurisht. Më tepër se sa pjesa e konsumit është pjesa e investimeve në të mira imobiliar dhe jo imobiliar. Konsumi vërtet është prekur por nëse do të shikojmë konsumin në kompleks, është prekur konsumi i të mirave private, ku në mungesë të parave njerëzit kanë vendosur të mos konsumojnë, dhe të investojnë gjithnjë e më pak. Po ashtu kanë devijuar konsumin duke shpenzuar vetëm për të mirat ushqimore, duke blerë më pak veshje, duke shkuar më pak në restorante. Duke mos pasur siguri se çfarë do të ndodh në të nesërmen, njerëzit kanë tendencën të kursejnë më tepër”, u shpreh për Report TV, eksperti Muço.
Sipas Muços shqiptarët po bëjnë të kundërtën e të huajve, të cilët depozitat e tyre po i kthejnë në investime afatgjatë.
“Sidomos qytetarët në nivel evropian që kanë tendencën të tërheqin paratë e tyre, dhe kursimet e tyre ti transformojnë në lingota ari. Kjo për të rritur sigurinë e investimeve të tyre në të ardhmen”, thotë Muço.
Pasiguria vihet re edhe nga forma e kursimit. Sipas bankës qytetarët ka zgjedhur depozitat pa afat, në mënyrë që t’i tërheqin në çdo moment. Ndërkohë dominojnë depozitat në valutë të huaj e kryesisht ato në euro.
Komente
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
Norma bazë e interesit u ul, BSH: Kreditë do jenë më të lira
12 Nëntor, 17:14
Edhe lingotat e arit kane mangut shqiptaret. E keni lexuar historine e Shqiperise? Ne 1945-n e humben pasurine edhe ata me qypa floriri, edhe ata me pasuri te paluajtshme. Floriri iku, por tapite ngelen dhe tani te pakten pronat i gezojne trashegimtaret.
Përgjigju