Frrok Çupi në Report TV: Berisha me ‘Foltoren‘ po kërcënon sigurinë në rajon, ka mbledhur rreth vetes ‘kollonat‘ e sigurisë kombëtare! SHBA e sheh si një akt të rrezikshëm

TIRANË- Analisti Frrok Çupi, në studion e Report Tv, është shprehur se SHBA-ja e sheh si një akt të rrezikshëm “Foltoren e Sali Berishës“. Kjo sepse sipas tij, Berisha ka mbledhur rreth vetes 'kollonat' e sigurisë kombëtare, që janë Ilir Meta, Bujar Nishani, apo edhe Flamur Noka.

“Po rrezikon stabilitetin në rajon, pas ngritjes së këtyre foltoreve, SHBA ka konstatuar një akt shumë të rrezikshëm, se rreth tij është mbledhur e gjithë kollona e sigurisë kombëtare. Rreth Berishës është Meta që përbën një rrezik të madh për sigurinë nëse nuk ndodhet nën kontrollin amerikan, ish presidenti Bujar Nishani, që nuk është rastësisht aty, ish ushtarak, një njeri që ka pasur në dorë shumë sekrete, ish kryetarja e Parlamentit, Jozefina Topalli, ajo e mbështet, është ish ministri i Mbrojtjes, Arben Imami, që po kërcënon edhe Bashën që të largohet, ke Flamur Nokën“, tha Çupi në Report Tv.

Në këtë kuadër, kështu e ka interpretuar edhe shkarkimin e Flamur Nokës nga posti i nënkryetarit të Komisionit të Sigurisë.

"Pse u zgjodh ky post që ishte perfierik dhe nuk u shkarkuar nga kryesia apo nga grupi parlamentar, po u largua nga Sigurua, do të thotë se Amerika ka prekur se ka një grupim të caktuar dhe Berisha i ka nënsundim, dhe ka personazhe që cënojnë sigurinë e vendit dhe rajonit, e gjitha po zhvillohet në një fushë shumë të minuar, shumë delikate“, tha Çupi.

B.K./Shqiptarja.com

TAG:
• lulzim basha
• PD
• sali berisha
• flamur noka
• Frrok Çupi