Normat e interesit të Euros në tregjet ndërkombëtare kanë pësuar një rënie të ndjeshme në fillimin e muajit dhjetor.
Treguesi kryesor benchmark i përdorur për kuotimin e huave në monedhën europiane, Euribori 12-mujor, këtë javë ka rënë në nivelin më të ulët të shtatë muajve të fundit.
Në datën 5 dhjetor, Euribori 12-mujori zbriti në nivelin e 3.78%, niveli më i ulët që nga muaji maj i këtij viti.
Në muajin nëntor, inflacioni në Eurozonë pësoi një rënie në 2.4%, niveli më i ulët që prej korrikut të vitit 2021. Rënia më e fortë se pritshmëritë e inflacionit ka forcuar besimin në tregje se cikli i shtrëngimit të politikës monetare në Eurozonë ka arritur tashmë pikun. Madje, rënia e inflacionit ka ngjallur shpresën se duke filluar nga viti i ardhshëm Banka Qendrore Europiane mund të fillojë uljen e normave të interesit.
Këto pritshmëri janë përcjellë në një ulje të ndjeshme të normave të interesit në tregjet europiane. Euribori 12-mujor pësoi rënie me pothuajse 0.3 pikë përqindje në harkun e një jave.
Këto zhvillime sjellin lajme të mira për kredimarrësit shqiptarë që kanë kredi në monedhën e përbashkët europiane, të cilët në dy vitet e fundit janë përballur me rritje graduale të normave të interesit.
Banka Qendrore Europiane prej një viti e gjysmë po ndjek një cikël të shtrëngimit drastik të politikës monetare, që e çoi normën bazë në nivelin më të lartë historik prej 4.5%. Kjo politikë bëri që Euribori të ndiqte rritjen e normës bazë dhe në shtator të këtij viti arriti në pothuajse 4.2%, niveli më i lartë në 15 vjet.
Kreditë me norma të ndryshueshme interesi në Euro zakonisht janë të ndërtuara mbështetur në ecurinë e Euriborit 12-mujor, të cilit i shtohet një marzh fiksi interesi. Norma e interesit rivlerësohet të paktën njëherë në vit, për të reflektuar ndryshimet e Euriborit në kohë.
Rritja e Euriborit ka bërë që normat e interesit të kredive të rriten ndjeshëm dhe kanë ndikuar në frenim të ndjeshëm të kreditimit në Euro nga sektori bankar shqiptar.
Sipas të dhënave nga Banka e Shqipërisë, për muajin shtator, norma mesatare e interesit për kreditë e reja në Euro arriti në 5.64%. Ky është niveli më i lartë i shënuar qysh kur Banka Qendrore Europiane nisi rritjen e normave të interesit vitin e kaluar. Ndryshimi mes interesit mesatar të kredive për shtëpi në Lekë dhe atyre në Euro arriti në 1.51%, niveli më i lartë i regjistruar ndonjëherë.
Një një pjesë e kredimarrësve madje i kanë konvertuar kreditë nga Euro në Lekë, për shkak të normave më të favorshme të interesit.
Për kredimarrësit me të ardhura në Lekë, rritja e normave të interesit të Euros është balancuar nga efekti pozitiv i kursit të këmbimit. Por, për huamarrësit me të ardhura po në Euro, kostoja e huave është rritur ndjeshëm gjatë këtij viti.
Sipas Bankës së Shqipërisë, kreditë në valutë të huaj përbënin 50.3% të portofolit total të sektorit bankar në mesin e këtij viti. Nga ana tjetër, teprica e kredive në valutë të pambrojtura nga kursi i këmbimit (kur të ardhurat janë të ndryshme nga monedha e kredisë) përbënin 32.3% të kredive në valutë, ose 16.2% të totalit të kredisë. Monitor
Lajme të tjera
-
Shkodër-Mali i Zi, sekuestrohen mbi 2 mln euro cash brenda katër ditëve, dyshohet se vijnë nga aktivitetet e paligjshme! 3 persona në pranga (RASTET)
21 Nëntor, 15:17 -
Thellohet rënia/ Eksportet e mallrave tkurren me 530 mln euro nga janari në tetor!
18 Nëntor, 14:09
-
Manifaktura 230 mln euro humbje prej zhvlerësimit të kursit, BSH: Ky sektor duhet të ndryshojë modelin e biznesit
15 Nëntor, 10:21 -
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
Paketa fiskale 2025/ Dhoma e Tregtisë e biznesi me 28 propozime: Pagesat vetëm në lekë, gjobë kush paguan në valutë
12 Nëntor, 18:09
-
Euro thellon rënien, po blihet me 97 lekë dhe shitet me 98 lekë! Monedha Evropiane është zhvlerësuar me 6.5% krahasuar me vjet
8 Nëntor, 17:20
-
Valutat e huaja humbasin përsëri terren, Leku ruan ‘kështjellën’ në kursin e këmbimit! Vetëm Franga zvicerane dhe Jeni fitojnë pikë
4 Nëntor, 15:28 -
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Kriza e euros, po këmbehet me 98 lekë! BSH deri në fund të vitit do të blejë 330 mln €: Më e rëndë situata nëse s’do ndërhynim
13 Tetor, 14:20
-
‘Borxh për të larë borxhet’, Ministria e Financave nis procedurat për eurobondin e ri 600 mln € në vitin 2025
11 Tetor, 14:56
-
Leku forcon pozitat përballë euros, humb terren ndaj dollarit
9 Tetor, 17:37 -
Itali/ Shqiptari kapet me 3 kg kokainë të paketuar me “Rolex” dhe 48 mijë euro cash në banesë! Me precedentë penalë në trafikun e drogës, e tradhtuan lëvizjet
6 Tetor, 17:54
