Fshati gjerman, që do të kthehet në
strehë dhe vend pune për emigrantët

Ky është fshati Sumte, në Gjermani. E ndërsa vendi po mbipopullohet nga refugjatët sirianë, zyrtarët lokalë të këtij fshati kanë vendosur të bëjnë bamirësi duke marrë përsipër të ndihmojë refugjatët sirianë. E ky fshati me 102 banorë ka vendosur të strehojë 750 azilkërkues nga lindja e mesme. 

"Unë mendoj se ne jemi duke punuar shumë mirë së bashku këtu në Sumte dhe se ne do të trajtojë këtë sfidë e do të kemi sukses ", thotë një zyrtar lokal. Fshati nuk ka dyqane, asnjë shkollë dhe asnjë stacion policor.

Fillimisht autoritete lokale thanë se do të pranonin 1.000 azilkërkues, por ky numër ishte shumë i lartë për këtë fshat të vogël. 

Nga ana tjetër për të shpërblyer këtë akt vullnetarizmi edhe refugjatët kanë nisur të punojnë së bashku me autoritetet lokale për ndërtimin e vendeve ku ata do strehohen. 

"Unë kam ardhur këtu për të ndërtuar jetën time të re. Unë nuk dua të qëndrojnë duarkryq. Unë dua të ndihmojë këta banorë që na pritën" thotë Rouhi Safwa nga Siria.

Por shumë banorë të fshatit Sumte janë të shqetësuar se situata mund të luajë në duart e ekstremistëve të djathtë.

Redaksia Online
(m.p/shqiptarja.com)