POP 5

Lajmet më të lexuara të 5 minutave të fundit

Sociale

Zonat periferike të Tiranës disa orë pa energji elektrike, qytetarët ankohen në Report Tv

Mungesa e energjisë elektrike është bërë e shpesht kohët e fundit. Shumë zona perfierike të kryeqytetit kanë vuajtur sot për disa orë mungesën e Energjisë. Probleme raportohen edhe në Fier dhe Vlorë. 

Ditëve të fundit fenomeni i ikjes së energjisë elektrike në disa zona të Tiranës është bërë i shpeshtë dhe shqetësues për banorët e këtyre zonave. Të shumta kanë qenë telefonatat që kanë denoncuar dhe shprehur ankesën në Report TV se u mungon për disa orë energjia elektrike. Vetëm ditën e sotme është raportuar se mungesë energjie ka patur në fshatrat Petrelë, Mullet, Sauk, Picalle, Baldushk, Yzberisht, Kashar dhe zonën e "Unazës së Re".

Shkëputja e energjisë elektrike, që ka zgjatur për disa orë, kjo në varësi të zonave ka sjellë pakënaqësi tek qytetarët, ndërsa shumë biznese janë detyruar që të pezullojnë punën për shkak të mungesës së energjisë. Nga ana tjetër, OSHEE nuk ka dhënë ndonjë informacion paraprak apo njoftim se do të ketë shkëputje të energjisë në këto zona që qytetarët të marrin masa apo komunikim të mëpasshëm se përse ka ndodhur shkëputja.

Për mungesën e energjisë në zonën e Yzberishit shkak është bërë një defekt dhe energjia është rikthyer pas një ore shkëputje. Sa i përketë qyteteve të tjera, OSHEE ka njoftuar se Fieri dhe Vlora janë dy rajonet më problematike në dy ditët e fundit për shkak të defekteve të shkaktuara nga moti i keq, shirat dhe erera e forta. Defektet jane kryesisht te llojit, keputje percjellësash,thyerje izolatoresh, demtime kabllosh, etj.

Sipas OSHEE, nga brigadat e terrenit në të gjithë vendin po punohet për riparimin e difekteve të mbetura. Veshtiresi në riparimin e difekteve paraqitet në zonat rurale ku kryesisht janë linja ajrorë, gjë qe sjell vonesa në riparimin e tyre edhe per shkak te terrenit te veshtire në të cilin kalojnë këto linja.

/xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

‘Studio Live’, avokati Islami: ‘Berisha do arrestohet, ‘non grata’ s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!

‘Studio Live’, avokati Islami: ‘Berisha do arrestohet, ‘non grata’ s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!

26 Dhjetor, 18:14