Dibër- Një çift bashkëshortësh, banues në Britaninë e Madhe, kanë tentuar të hyjnë në Shqipëri me 25 mijë paund të padeklaruara përmes pikës kufitare të Bllatës.
Paratë ishin futur në çantat personale të tyre dhe policia i gjeti pasi kanë kontrolluar në mënyrë të imtësishme automjetin tip “Audi 7” i cili drejtohej nga bashkëshorti.
Shuma e parave u sekuestrua në cilësinë e provës materiale.
![](https://shqiptarja.com/template/img/NO_ALFA_Kuadrate shqiptarja.png)
Ndaj dy shtetasve, E.P., 30 vjeç, dhe B.S., 30 vjeçe, nisi procedimi në gjendje të lirë për veprën penale "Mosdeklarimi në kufi i të hollave dhe i sendeve me vlerë".
Shërbimet e Policisë Kufitare në Bllatë, në bashkëpunim dhe me autoritetet doganore Bllatë, bazuar në analizën e riskut, kanë intensifikuar kontrollet me qëllim parandalimin, evidentimin dhe goditjen e trafikimit të shumave monetare, lëndëve narkotike, armëve të zjarrit dhe goditjen e çdo paligjshmërie tjetër kufitare.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)