POP 5

Lajmet më të lexuara të 5 minutave të fundit

Sport

FSHF abuzoi me pagat e
trajnerëve, përfshi De Biasi-n

Zbulohet një tjetër abuzim financiar në Federatën Shqiptare të Futbollit. Në investigimin e Report Tv zbulohet se si pagat e trajnerëve të ekipeve kombëtare lëvizin nga viti në vit, duke pasur një raport të zhdrejtë me atë çfarë deklarohet dhe me atë çfarë pasqyrat financiare e tregojnë, pasqyra të siguruara ekskluzivisht nga Report tv.  VIDEO
Zbulohet një tjetër abuzim financiar në Federatën Shqiptare të Futbollit. Në investigimin e Report Tv zbulohet se si pagat e trajnerëve të ekipeve kombëtare lëvizin nga viti në vit, duke pasur një raport të zhdrejtë me atë çfarë deklarohet dhe me atë çfarë pasqyrat financiare e tregojnë, pasqyra të siguruara ekskluzivisht nga Report tv.

Kështu, për vitin 2016, shpenzimet për pagat e trajnerëve të ekipeve kombëtare, përfshi atë të ekipit A për meshkuj, që asokohe ishte Gianni De Biasi, arrinin në 1 miliardë e 174 milionë lekë të vjetra. Siç është bërë e ditur, rritja e pagës bazë të ish-trajnerit të ekipit tonë kombëtar u bë në fund të vitit 2016.

Këtu nuk llogariten shpërblimet dhe dietat, përfshi edhe Kampionatin Europian 2016. Ndërsa për vitin 2017, Report Tv zbulon se pagat e trajnerëve u ulën në 1 miliardë e 119 milionë lekë të vjetra, pra 55 milionë lekë më pak, kur në fakt paga e De Biasit gati u dyfishua.

De Biasi dha dorëheqjen në mesin e muajit qershor 2017 dhe pas tij firmosi Christian Panucci, që u bë e ditur se do të përfitojë aq sa De Biasi paguhej në kontratën e fillim vitit 2016. Por në projekt buxhetit të vitit 2018, që Report Tv ka siguruar eksluzivisht, zbulohet se pagat e trajnerëve do të jenë akoma më pak, 1 miliardë e 40 milionë lekë të vjetra. Trajnerët janë po ata, madje për vitin 2018 do të shtohen edhe trajnerët e grupmoshave U-18, U-16 dhe U-14.

Pyetja që lind në këtë rast është: Si ka mundësi që pagat në total ulen, ndërsa trajnerët shtohen dhe rroga e tyre rritet?

Burime të sigurta për Report Tv tregojnë se trajnerët e ekipeve kombëtare përfitojnë dieta dhe shpërblime të majme, ndërsa paga mbetet konstante, për të treguar në publik se Federata Shqiptare e Futbollit kursen dhe nuk ka rroga të fryra.   

s.k/Shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Moti i keq/ Vijon i mbyllur prej borës Bypass-i i Murrizit në Rrugën e Arbrit! Aksi rrugor Peshkopi-Librazhd i kalueshëm me zinxhirë

Moti i keq/ Vijon i mbyllur prej borës Bypass-i i Murrizit në Rrugën e Arbrit! Aksi rrugor Peshkopi-Librazhd i kalueshëm me zinxhirë

13 Janar, 09:35