POP 5

Lajmet më të lexuara të 5 minutave të fundit

Sport

FSHF gati të 'gllabërojë' edhe votat e Lezhës, njofton zgjedhjet por shoqata ende e paregjistruar në gjykatë

Teksa pritet që në datën 9 shkurt të zhvillohen zgjedhjet në shoqatën e futbollit në Lezhë kjo e fundit rezulton ende e paregjistruar në gjykatë duke thelluar manipulimet e FSHF dhe kreut të saj Armand Duka. Për më tepër mungojnë edhe kandidatët rivalë.

Nëse deri më tani janë denoncuar manipulime të rënda me zgjedhjet në shoqatat rajonale të futbollit ku 3 prej tyre kanë shkuar në prokurori, pasi FSHF ka bërë shkelje duke siguruar vota në favor të Armand Dukës, shoqata e Lezhës është një ekuacion më vete, pasi ende nuk është regjistruar në gjykatë.

Së bashku me Shkodrën, janë dy shoqatat e futbollit që ende nuk i kanë kryer zgjedhjet. Konkretisht shoqata e Lezhës ka kryetar Ridvan Kullin, i zgjedhur me 9 prill të 2021, por që rezulton si shoqata e vetme që ende nuk është rregjistruar në gjykatë. Më 4 tetor të 2021 gjykata e Tiranës ka refuzuar pranimin e kësaj shoqate pasi ka vërenjtur parregullsi.

Kur ndodhemi 6 ditë nga afati i fundit i zgjedhjeve ende nuk asnjë kandidat rival për kryetarin e shoqatës. Njejtë si në shoqatat e tjera edhe në Lezhë mungojnë  listat me emrat e anëtarëve të cilët kanë të drejtë vote në asamble.

E gjithë kjo ngatërresë ka për qëllim manipulimin e zgjedhjeve në shoqatën e Lezhës nga Federata Shqiptare e Futbollit, që deri më tani ka siguruar 23 vota për Armand Dukën, i cili kërkon mandatin e gjashtë.

Ndërkohë në Shkodër është caktuar data 8 shkurt për zgjedhjet, por edhe atje mungon tërësisht informacioni. Kujtim Shaba, njëri prej kandidatëve për kryetar, ka denoncuar në Report TV se askush nuk e konfirmon si pjesmarrës në zgjedhje, pasi federata nëpërmjet shoqatës ka qëllim zgjedhjen në fshehtësi të kandidatin të mbështetur prej saj.

Ne.k./AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Maks: 03/02/2022 15:35

    Kur stadiumet dhe kendet sportive jane te shtetit si ka mundesi qe federata qenka pron private ne cfar lloj shteti jetojm Kur me taksat dhe pronen te te gjitheve mbahen ca privater

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34