Përzgjedhja e drejtuesit të ri të skuadrës përfaqësuese të futbollit është një proces që kërkon kohën e duhur.
FSHF thotë se ka nisur pikërisht me procesin e kontakteve dhe bisedave në lidhje me kandidaturat e mundshme, të cilat janë në një numër të konsiderueshëm.
Sipas deklaratës, ato do të vlerësohen dhe pas kontakteve të marra, brenda muajit korrik do të vendoset edhe emri i ri i trajnerit të ekipit kombëtar.
Gjatë gjithë kësaj kohe FSHF është në fazën e vlerësimit, kontakteve dhe bisedave për kandidaturat e ndryshme për të marrë drejtimin e skuadrës kombëtare.
Pas largimit të De Biazit janë lakuar shumë emra për stolin e ekipit kombëtar, ndërsa mes tyre më të njohurit janë Filippo Inzaghi dhe Walter Zenga.
dy.b/shqiptarja.com