FSHF mes emërimeve të reja, ja anëtarët e rinj të Apelit

FSHF ka emëruar anëtarët dhhe kreun e ri të Komisionit të Apelit, vetëm 3 javë pas dorëeqjes së parevokuesme të Arben Rakipit. Kryetari i Komisionit të Apelit të futbollit, Arben Rakipi (ish-Prokurori i Përgjithshëm), ka dhënë dorëheqjen në fillim të Marsit nga posti, pas presioneve të kreut të Federatës Shqiptare të Futbollit, Armando Duka.

Konflikti mes Dukës dhe Rakipit kishte nisur pas një vendimi të dhënë nga Apeli sportiv për të ulur dënimet ndaj Flamurtarit dhe Pogradecit, dy ekipe që njihen për konflikte me presidentin e FSHF-së, Armando Duka. Komisioni i Apelit është një institucion që funksionon pranë FSHF-së në formën e një Gjykate Apeli për futbollin. Vendimet e marra nga Komisioni i Disiplinës mund të kundërshtohen në Apel dhe vendimet e këtij të fundit janë të pakundërshtueshme. Ndërkohë ja edhe vendimet e FSHF:

1. Miratimi i anetareve te Komisionit te Apelit :
1. Perikli Zaharia Kryetar
2. Pranvera Behushi Zv/Kryetar
3. Ervin Pollozhani Anetar
4. Altin Naqe Anetar
5. Julian Mertiri Anetar

2. Miratimi i Inspektoreve te Disiplines

1. Lulezim Llangozi
2. Ilir Alushi
3. Elidon Hysenaj
4. Erion Karoli
5. Olsi Dado
Keta Inspektore do te jene ne sherbim te Komisionit te Disiplines dhe Komisionit te Etikes per hetimin e ceshtjeve te kerkuara nga keto komisione.