Kryetari i Bashkisë së Tiranës Erion Veliaj ka reaguar në lidhje me qëndrimin e Federatës Shqiptare të Futbollit për mbledhjen e djeshme të anëtarëve të komunitetit të futbollit dhe Shoqatës Rajonale Tiranë. Federata Shqiptare e Futbollit publikoi paraditen e sotme një përgjim ku sipas saj Veliaj i bën presion anëtarëve të shoqatës për të manipuluar zgjedhjet në FSHF.
Në reagim kryebashkiaku Veliaj thekson se FSHF në vend të garantimit të barazisë së garës, ka zgjedhur rrugën e përgjimeve dhe të shantazhit për të ruajtur pozitat e Armando Dukës.
Veliaj sqaron se Bashkia e Tiranës është aksionere e Klubit të Futbollit "Tirona", ndaj askush nuk duhet të ngatërrojë përkatësinë e tij në PS me përfshirjen që i takon si aksioner në këtë proces zgjedhor të manipuluar nga FSHF-së, apo të nxjerrë jashtë konteksti një bisedë djemsh, si në çdo fushë futbolli para ndeshjes!
“U qëndroj një për një atyre që kam thënë në atë palo përgjim të Federatës së Futbollit, e cila në vend se të garantojë barazinë e garës për kreun e saj, angazhohet në përgjime dhe shantazhe për llogari të beut të saj! "Pavarësia" e FSHF-së nuk mund të jetë gjethe fiku për një mbret lakuriq që është kthyer në neverinë e aksionerëve e dashamirësve të futbollit shqiptar, i cili thjesht nuk e ka pëlqimin tonë si një prej aksionerëve”, shkruan Veliaj.
Presidenti Ilir Meta ka reaguar në lidhje me përplasjen mes Federatës Shqiptare të Futbollit dhe Bashkisë së Tiranës në lidhje me zgjedhjet në shoqatën rajonale të futbollit Tirana. Me një postim në Twitter, M eta thotë se zgjedhjet në FSHF duhet të jenë të lira dhe transparente.
"Të papranueshme dhe të dënueshme tentativat brutale të politikës, jo për herë të parë, për të ndërhyrë me presion dhe shantazh në zgjedhjet e FSHF që duhet të jenë të lira, paqësore, të pavarura, transparente dhe me integritet", shkruan Meta.
Partia Demokratike ka reaguar për përplasjen mes Federatës Shqiptare të Futbollit dhe Bashkisë së Tiranës në lidhje me zgjedhjet në shoqatën rajonale të futbollit Tirana.
PD thotë se Erion Veliaj po bën presion ndaj mësuesve dhe futbollistëve që janë në Shoqatën Tirana.
“Është tronditëse ndërsa dëgjon se si një kryetar bashkie kërcënon me forcën e SPAK, a thua se kjo është një nga drejtoritë që ai manaxhon. E gjithë arsyeja e sulmeve të tij të ulëta dhe padyshim kriminale bëhet e qartë nga vetë ai. Shqetësimi i Rilindjes është se ende nuk kanë mundur të zaptojnë FSHF dhe për këtë ai do të përdorë çdo mjet të paligjshëm për ta zaptuar. Kjo është mënyra kriminale se si vepron Rilindja e Edi Ramës dhe Erion Veliajt, mënyra e shëmtuar se si shantazhojnë jo vetëm në zgjedhjet për FSHF por edhe në zgjedhjet e qendrore dhe lokale. E gjithë mendja e tyre është si ajo e sovjetëve të dikurshëm, pra kërkojnë që të marrin çdo pushtet në duart e tyre. Larg duart nga futbolli sepse ai është sporti i qytetarëve dhe Veliaj në fakt është përfaqësuesi i Ndraghetës sikundër dhe PS! I ftoj anëtarët e shoqatës Tirona që të distancohen nga një njeri i lidhur me Ndraghetën dhe po aq dhe me mafien e plehrave pasi njerëz si ai e bëjnë pis këdo që i qëndron afër. Veliaj dhe kushdo tjetër ta harrojnë që ne si qytetarë dhe si politikanë do ta falim atë dhe sërën e tij për këto sjellje të ulëta dhe të ndyra karshi Tiranës dhe figurave të nderuara të saj”, thuhet në reagimin e PD.
Federata Shqiptare e Futbollit në një deklaratë për mediat, akuzon kryebashkiakun Veliaj se ka bërë një bisedë me anëtarët e shoqatës së futbollit Tirana vetëm pak orë para nisjes së punimeve, duke bërë kështu sipas FSHF-së një ndërhyrje të politikës në çështjet që i takojnë komunitetit të futbollit.
Në këtë takim kryebashkiaku, sipas FSHF-së, me një fjalor banal, i bën presion anëtarëve të shoqatës për të manipuluar zgjedhjet në FSHF, ndërsa mësuesve të edukimit fizik dhe trajnerëve të futbollit të rajonit të Tiranës u ka bërë një listim i të gjithë gjërave që duhet të bëjnë.
Komente
Lajme të tjera
-
Hapet tregu i gjelave të detit në Baldushk, apeli i kryebashkiakut Veliaj: Konsumoni produktet lokale për të ndihmuar familjet e zonës
22 Dhjetor, 12:12 -
Veliaj inspekton punimet në shkollën ‘Ibrahim Hima’ në Vaqarr: Llafet e sherret i merr era, shkollat mbeten
21 Dhjetor, 13:41 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16 -
Dhunë në futbollin e femrave, Disiplina pezullon 15 ndeshje drejtoreshën e Gramshit, goditi lojtaret e Partizanit
19 Dhjetor, 18:11 -
Veliaj inspektim në shkollat ‘Mustafa Greblleshi’ dhe ‘Sandër Prosi’: Me mure rrethuese dhe terrene të reja sportive për fëmijët
19 Dhjetor, 14:06 -
Tiranë/ 7 objekte mësimore janë në proces ndërtimi ose rikonstruksioni
18 Dhjetor, 18:28 -
Tiranë/ Këshilli Bashkiak miraton buxhetin! Bursa për ekselentët, paketë ushqimore në shkolla! Veliaj: Nga 1 janari pensionistët abone falas! 7 objekte mësimore në rikonstruktim
18 Dhjetor, 18:09 -
'Klanet, korrupsioni dhe arroganca e organizatorëve!', Barrikada FC tërhiqet nga çdo garë e FSHF dhe Sunday League Albania
18 Dhjetor, 14:52 -
U plagos gjatë përleshjes ku u vra Martin Cani, FSHF i ofron fizioterapi dhe trajtim të specializuar 14-vjeçarit: Do mbulohen të gjitha shpenzimet!
18 Dhjetor, 09:57 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17
Duka ka ardhur koha te qerrohesh dhe ta lesh rehat futbollin Shqiptar.Palaco njeri
PërgjigjuMe shpirtzi se erjon veliaj sdo kete. Do bjeri shqiperia ne doren e tij dhe njerezve te tij.
PërgjigjuKa ardhur koha qe ky ta lere futbollin te qete. Futbolli ne shqiperi ka bere regres te madh. Ky njeri vendos pa filluar kampionati se kush do ta fitoj ate, fodull dhe arrogant prandaj duhet te zhduket.
PërgjigjuDuka duhet te zhduket dhe te jete objekt hetimi, pa qysh e tek. Eshte bere futbolli zhele ne duar te ketij katunari
PërgjigjuGHahaha, shtanzhuesi po na thote qe po i bejne shtanazh me llafet e tij. hahaa
Përgjigju