Sipas vendimeve të Komisionit të Disiplinës pranë FSHF, klubi i futbollit Tirana është dënuar me 8 ndeshje pa tifozë. Ndërsa Partizani është gjobitur me 200 mijë lekë të reja gjobë.
I përfshirë në dhunën fizike pas vërshëllimës së arbitrit, Drejtori Sportiv i KF Tirana, Devi Muka është dënuar nga FSHF me 10 ndeshje pezullim nga aktivitetet.
E njëjta masë ndëshkimore është dhënë edhe për zyrtarin e ekipit të Partizanit, Amarildo Dajlani.
Ndërsa ish drejtori Sportiv i Tiranës, Sajmir Shehri është dënuar me 500 mijë lekë.
Dënimet më të ashpra kanë qenë për ekipin e Tiranës për shkak se ekipi vendas është cilësuar përgjegjës për sjelljen e tifozëve.
Sipas FSHF, Tirana s'garantoi sigurinë e zyrtarëve të klubit të Partizanit.
Ndërkohë, FSHF ka rrëzuar kërkesën e ekipit të Partizanit për të fituar ndeshjen në tavolinë 0:3.
Redaksia Online
Shqiptarja.com