POP 5

Lajmet më të lexuara të 5 minutave të fundit

Politikë

Fshirja e adresave në Luginën e Preshevës, Cakaj: Shqetësimin e kemi paraqitur te institucionet ndërkombëtare, të rrisim ndjeshmërinë mbi këtë çështje

Ministri në detyrë për Evropën dhe Punët e Jashtme, Gent Cakaj, ka zhvilluar sot një takim në Kopenhagen, në zyrat e Sekretariatit të Asamblesë Parlamentare të OSBE-së, në të cilin ka paraqitur shqetësimet, çështjet dhe problemet që paraprakisht janë diskutuar me partitë politike shqiptare të Luginës së Preshevës dhe Këshillit Kombëtar Shqiptar.

Fshirja e adresave në Luginën e Preshevës, Cakaj: Shqetësimin e kemi paraqitur te institucionet ndërkombëtare, të rrisim ndjeshmërinë mbi këtë çështje

Ministri në detyrë për Evropën dhe Punët e Jashtme, Gent Cakaj, ka zhvilluar sot një takim në Kopenhagen, në zyrat e Sekretariatit të Asamblesë Parlamentare të OSBE-së, në të cilin ka paraqitur shqetësimet, çështjet dhe problemet që paraprakisht janë diskutuar me partitë politike shqiptare të Luginës së Preshevës dhe Këshillit Kombëtar Shqiptar.

Pas këtij takimi, Kryediplomati Cakaj bën me dije se është bërë e mundur që në zyrat e Sekretariatit të Asamblesë Parlamentare të OSBE-së të shkojnë deputetët e Listës së Luginës së Bashkuar, për të shpalosur qëndrimet e tyre politike lidhur me procesin e fshirjes së adresave në Luginën e Preshevës. Sipas Cakaj kjo është vetëm pjesë e një përpjekje më të përgjithshme për të rritur ndjeshmërinë e çdo institucioni ndërkombëtar mbi këtë çështje.

“Nga Konpenhagen do të nisemi menjëherë në një qendër tjetër Evropiane, për t'i dhënë zë e forcë Luginës.”- tha Cakja

Kjo çështje u ngrit me shqetësim edhe nga presidentja në detyrë e Kosovës, Vjosa Osmani një ditë më parë nga Tiranë, e cila tha se Serbia po bën spastrim etnik të heshtur në Luginë  e Preshevës dhe se Kosova e Shqipëria duhet të bashkëpunojnë dhe të kenë një zë të fortë për të ndaluar këtë gjë.

Fshirja e adresave të shqiptarëve në Luginën e Preshevës nga Serbia po tenton te krijojë një pasqyrë të pasaktë të përbërjes demografike të atyre hapësirave dhe të numrit të shqiptarëve në Serbi, por është duke shkelur rrënjësisht të drejtat e liritë themelore të tyre, përfshirë të drejtën e votës.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57